Yohanes 5:20 - Kaili Ledo

²⁰ Sabana, TuamaKu nompotove Yaku, AnaNa, bo nipopakitaNa ka Yaku pura-pura anu nipoviaNa. Bo rapopakitaNa tanda-tanda nelabipa kabarakana pade anu nipoviaKu pangane ala rapokumaakamiu.

Yohanes 5:20 Referans Kwoze

Yohanes 3:35

Tuamata Alatala nompotove AnaNa, bo nidekeiNa Ia mombakuasai pura-pura.

Matius 3:17

Bo naria suara lako ri suruga nanguli, “Hitumo AnaKu nipotoveKu. Iamo nompakadamba raraKu.”

2 Petrus 1:17

Apa kami mboto naria nosanggani-nggani nte Ia ri bavo nu bulu bara ipia tempo Ia nibila bo nipakareme nTuamata Alatala. Bo suara nu Alatala anu Neliu KaogeNa nanguli ivei: “Hitumo AnaKu nipotoveKu, Iamo nompakadamba raraKu.”

Yohanes 17:26

NipopaisaniKumo Komiu ka ira. Bo da Kupopaisani hanupa Komiu ka ira ala Ira mompotove tona ntanina nasimbayu mpo Komiu nompotove Yaku, bo ala Yaku mboto monturo riara ntaira.”

Yohanes 15:15

Komiu domo Kuuli batua, sabana batua ledo nisanina nia nu madikana. Tapi hitupa komiu Kuuli vegaKu sabana pura-pura anu niepeKu lako nte TuamaKu, nitesaKu muni ka komiu.

Yohanes 14:12

Pariaramo tesaKu hitu, isema-sema nomparasaya Yaku, mamala movia anu nipoviaKu. Bo ledo aga haitu, madeapa vai rapoviana pade anu nipoviaKu, sabana Yaku hau manjili nte TuamaKu.

Yohanes 10:32

Tapi nanguli i Yesus ka ira, “Nadeamo povia nabelo lako nte TuamaKu nipopakitaKu ka komiu. Povia umbana sampe rarempemiu vatu Yaku?”

Yohanes 5:29

bo mesuvu lako ponturora. Tona nabelo pokainggura matuvu mpanjili bo manggava katuvua mabelo sampe ri kasae-saena. Bo tona nadaa pokainggura matuvu mpanjili ala rahuku.”

Yohanes 5:25

Pariaramo tesaKu hitu. Kana makava tempona bara maipia, bo sii-sii nakavamo tempona haitu, tona namatemo mangepe suaraKu, Ana nu Alatala, bo ira anu mangepena bo mangoseakana, manggava katuvua mabaru.

Yohanes 5:21

TuamaKu nompakatuvu mpanjili tona namate bo nombadekei katuvua nabaru ka ira. Ivesia muni Yaku, AnaNa, mombadekei katuvua nabaru ka isema-sema nipodotaKu.

Yohanes 1:18

Dopa naria saitoa tona nanggita Alatala. Tapi AnaNa saito-itona anu nasimbayu nte Alatala bo narapa nte Ia, Iamo nompopaisani Alatala ka kita.

Lukas 10:22

Pade nanguli i Yesus ka tona ri sia, “Pura-pura nidekei nTuamaKu ka Yaku. Ledo ria tona mpuu-mpuu nosisani nte Yaku Ana nu Alatala, aga TuamaKu Alatala. Bo ledo ria tona mpuu-mpuu nosisani ante TuamaKu, aga Yaku, AnaNa mboto bo isema-sema Kupodota, Kupopaisanika TuamaKu ka ia.”

Matius 17:5

Da notesa i Petrus, nakavamo kulimu nareme nombabungu ira, bo lako riara kulimu haitu niepera suara nanguli, “Hitumo AnaKu nipotoveKu. Iamo nompakadamba raraKu. Pariaramo tesaNa”!

Matius 11:27

Naupu haitu, i Yesus notesa ka tona ri sia, “Pura-pura nidekei nTuamaKu ka Yaku. Ledo ria tona mpuu-mpuu nosisani ante Yaku, Ana nu Alatala, aga TuamaKu Alatala. Bo ledo ria tona mpuu-mpuu nosisani ante TuamaKu aga Yaku, AnaNa, bo isema-sema Kupodota, Kupopaisanika TuamaKu ka ia.

Matius 4:8

Naupu haitu, Magau nu Seta nanggeni i Yesus hau ri tutu nu bulu nelabi kalangana. Bo nipopakitana ka Ia pura-pura kamagaua bo poparenta naria riara dunia hitu ante mpengaya-ngaya kagayana bo kakalumanana.