Yohanes 5:2 - Kaili Ledo

² Ri ngata Yerusalem naria bobaa ngata nosanga “Bobaa Bimba”. Napara bobaa haitu naria sangu kola niuli riara basa ntoYahudi Kola Betesda. Nantalili kola haitu naria lima-angu tambale nagaya anu nisouni.

Yohanes 5:2 Referans Kwoze

Suro-Suro 21:40

Tadulako haitu nompaloga i Paulus motesa. Jadi i Paulus neangga ri tangga nu asrama bo nombalaeraka palena, ala ira malino mangepe tesana. Nalinomo ira sakide, bo nompamulamo i Paulus notesa ka ira ante basa Ibrani, basa ntoYahudi.

Yohanes 20:16

Nanguli i Yesus ka ia, “He, Maria.” Nangepe haitu, neili i Maria bo nanguli riara basa Ibrani, “Rabuni!” (Batuana, “Guru.”)

Yohanes 19:17

Nesuvumo Ia lako ri ngata haitu bo nisimbuakaNa mboto kayu salibNa hau ri ponturo niuli “Bulu Banga Balengga.” Riara basa Ibrani sangana “Golgota.”

Yohanes 19:13

Nangepe peparangga ntoYahudi haitu, nikeni i Pilatusmo i Yesus hau ri savalikuna bo nonturomo ia ri gadera potangara ri ponturo niuli “Jaula Vatu.” Ane riara basa Ibrani, sangana “Gabata.”

Yohanes 19:20

Nadea toYahudi nombaca anu nitulisi ri dopi haitu sabana pompaku i Yesus napara ngata Yerusalem, bo tesa haitu nitulisi riara talu-ngaya basa, haitumo basa Ibrani, basa Latin, bo basa Yunani.

Yohanes 5:3

Ri tambale-tambale haitu nadea mpuu tona nadua naturu. Naria tona naburo, naria tona nakejo, naria tona napunggu bo dua ntanina. Ira pura-pura nompopea uve mojompe.

Yohanes 7:21

Nesana i Yesus, “Aga sangaya kabaraka nipoviaKu bara ipia bo komiu nahera sabana nipoviaKu ri eo penonto.

Pompakita 9:11

Naria saito magau najadi pakenira, iamo malaeka anu nakuasa mombabuka vamba lovu anu ledo rapakule mantuvu kandalana haitu. Sangana riara basa Ibrani, i Abadon, bo riara basa Yunani i Apolion. Batuana, Toperopu.

Pompakita 16:16

Jadi seta-seta haitu nompasiromu magau-magau ante tantara-tantarara lako ri umba-umba ri dunia, ri ponturo niuli riara basa Ibrani, “Harmagedon.”