Yohanes 4:6 - Kaili Ledo

⁶ Hamai naria buvu niuli Buvu i Yakub. Jadi nenontomo i Yesus bo nonturo ri sinjori buvu haitu, sabana nalenge Ia nolipa. Tempo haitu natongomo eo.

Yohanes 4:6 Referans Kwoze

Ibrani 4:15

Ia Pakeni nTopanggeni Pesomba anu nangisani kalenteta, sabana Ia mboto nombarasai mpengaya pesori nasimbayu mpo kita, tapi Ia ledo novia dosa.

Ibrani 2:17

Haitu sampe Ia kana najadi nasimbayu ntoto ante kita sampesuvu-sampesuvuNa. Ane Ia nasimbayu ntoto nte kita, Ia namala majadi Pakeni nTopanggeni Pesomba anu naasi mataNa nanggita todeaNa bo natutu nombatui pokarajaa nidekei nu Alatala ka Ia, sampe dosa manusia namala nisompo.

Matius 8:24

Tempo ira nosakaya sampesani nakavamo poiri narimboso nompakambaso balumba ri rano. Sakidepa natala sakayara nitompe balumba mbaso. Tempo haitu i Yesus naluru namonjo.

Matius 27:45

Natongo eo, sampesanika nalandamo njumangata haitu sampe tinti tatalu nggoviana.

Matius 4:2

Hamai patapulu eo bo patapulu mbongi i Yesus nopuasa. Naupu haitu naara mpuumo taiNa.

2 Korintus 8:9

Ledo paraluu kuparenta komiu apa nisanimiu mboto kambaso pepotove nTuputa i Yesus Kristus ka kita. Naupa Ia mpuu-mpuu nakalumana, nikabasakaNa pura-pura kakalumanaNa haitu ala mantulungi kita. Ia najadi manusia napakasi ala kita mamala majadi nakalumana ri panggita nTupu.

Yohanes 11:9

Nanguli i Yesus ka ira, “Saeo sapulu rojaa kasaena. Tona nolipa ri eona, ledo matepasunu vatu kadana, apa nikitana reme anu nombavanta dunia.

Lukas 9:58

Pade nesana i Yesus, “Asulaku naria bolona bo tonji naria jumuna, tapi Yaku, Ana nu Manusia ledo ria banuaKu Kupaturu.”

Lukas 2:7

Ia noanaka saito ngana langgai, ana lumbua. Ngana haitu nibunguna ante kae lampi, pade nidulina riara potande kandea binata, sabana ledo ria paturu ka ira ri banua pesaira haitu.

Yohanes 4:5

Jadi nakavamo i Yesus ri ngata Sikhar ri bagia Samaria. Ngata haitu napara tana nidekei i Yakub ka anana i Yusuf nggaulu.

Yohanes 4:7

Ana-anaguru i Yesus napola hau riara ngata haitu mangali kandea. Tempo i Yesus nonturo ri buvu haitu, nakavamo saito mombine toSamaria manambu uve. Nanguli i Yesus ka ia, “Ina, dekei ka Yaku hanu uve Kuinu.”