Yohanes 4:22 - Kaili Ledo

²² Komiu toSamaria ledo nisanimiu mpuu Alatala. Tapi kami toYahudi nisani kami isema nisomba kami, apa Magau Topompakasalama manusia meumba lako nte kami toYahudi.

Yohanes 4:22 Referans Kwoze

Suro-Suro 17:23

Apa tempo yaku nanjayo-njayo riara ngatamiu nikitaku nadea pompakande viata. Bo nikavaku sangu pompakande anu naria nitulisi, ‘Pompakande ka Tupu Ledo Nisani SangaNa.’ Tupu haitu nisombamiu, nau ledo nisanimiu sangaNa. Tupu haitumo kupopaisani ka komiu ri sii.

Lukas 24:47

Kareba Belo kana rapatolele ka pura-pura manusia; ala ira majea lako ri dosara bo Alatala mombaampungi ira sabana anu nipovia nu Magau Topepakasalama. Kareba haitu kana rapatolele mompamula lako ri ngata Yerusalem hitu sampe ri njumangu dunia.

Suro-Suro 17:30

Tempo nggaulu ane manusia nombasomba tupu-tupu ntanina, Alatala ledo nombahuku ira. NibotusiNa ledo rarekeNa kadoyora haitu. Tapi sii-sii, nituduNa pura-pura manusia ri umba-umba ri dunia majea lako ri dosara.

Suro-Suro 3:26

Haitumo sabana Alatala nanganggataka BatuaNa i Yesus, bo nantudu Ia tumai nte kita toYahudi ntani ruru, ala radekeiNa belo ka kita, haitumo, Ia manggeni kita majea lako ri pokaingguta nadaa.”

Roma 11:18

Jadi, sampesuvu-sampesuvu, nee malanga raramiu manggita toYahudi anu nipoara mpo tinggu nikoto pangane. Toramo! Komiu mboto nasimbayu mpo tinggu. Ledo tinggu nompakatuvu kalena tapi kalena nompakatuvu tingguna.