Yohanes 3:5 - Kaili Ledo

⁵ Nesana i Yesus, “Pariaramo tesaKu hitu; ane tona ledo rapoanaka ante uve bo ante kuasa Nosa Gasa nu Alatala, tona haitu ledo mamala majadi todea riara Poparenta nu Alatala.

Yohanes 3:5 Referans Kwoze

Suro-Suro 2:38

Nesanamo i Petrus, “Kajeamo lako ri dosa-dosamiu, bo komiu kana radiu saito-saito, tandana komiu nomparasaya i Yesus Kristus, bo Alatala mombaampungi komiu bo mombadekei Nosa GasaNa ka komiu.

Efesus 5:26

PatujuNa ala kita majadi todea nu Alatala. NipegasaNa kita nadosa sabana kita nomparasaya tesaNa bo kita nidiu nte uve tandana kita topangoseaka Ia.

1 Petrus 3:21

Uve oge haitu nirapaka ada pediu anu nompakasalama kita sii-sii. Ada pediu haitu ledo ada pompegasa tapa lako ri karota, tapi tandana kita topangoseaka i Yesus. Ada haitu nireke pojanjita nte Alatala ala kita mangoseaka Ia sabana niampungiNa dosata. Bo niampungiNa mpuu dosata sabana i Yesus natuvu mpanjili lako ri kamateNa.

1 Korintus 6:11

Bara ipia bara sako-ndua komiu nokainggu ivesia muni. Tapi katuvumiu nipakagasa nu Alatala. Komiu najadi todeaNa nipatani ka Ia, bo komiu nipakanoa ri panggitaNa. Haitu pura-pura najadi ante kuasa Nosa Gasa nu Alatala sabana komiu nomparasaya i Pue Yesus Kristus.

Matius 3:11

Yaku mombadiu komiu ante uve, tandana najeamo komiu lako ri dosamiu. Tapi da nariapa saito ngena tona meonga nelabipa kakuasaNa pade yaku. Naogepa Ia pade yaku sampe nau manggeni sapatuNa ledo masipato yaku. Ia mombadiu komiu ante Nosa Gasa nu Alatala bo apu.

Yohanes 3:3

Nesana i Yesus, “Pariaramo tesaKu hitu, ledo ria saitoa tona mamala majadi todea riara Poparenta nu Alatala ane ia ledo rapoanaka mpanjili.”

Markus 16:16

Isema-sema ledo momparasaya Kareba Belo haitu, kana rahuku. Tapi isema-sema momparasaya Yaku bo radiu tandana ia topangoseaka Yaku, ia rapakasalama.

1 Korintus 2:12

Ledo kapande lako ri dunia hitu nitarimata, tapi Nosa Gasa nu Alatala nitarimata ala rasanita pura-pura anu nidekei nu Alatala ka kita lako ri kabelo raraNa.

Yohanes 1:13

Ira najadi ana-ana nu Alatala ledo sabana nipoanaka ntotuara, atau lako ri dota manusia bara dota ntuamara. Tapi sabana Alatala mboto nompajadi ira anaNa.

1 Yohanes 5:1

Isema-sema nomparasaya i Yesusmo Magau Topepakasalama anu nijanji nu Alatala, iamo nireke ana nu Alatala. Bo isema-sema nompotove Tuamata Alatala, natantu nipotovena muni roa-roana anu najadi ana-ana nu Alatala.

1 Yohanes 2:29

Nisanimiumo i Kristus batena nangoseaka dota nu Alatala. Sabana haitu kana rasanimiu muni, isema-sema nangoseaka dota nu Alatala, iamo ana nu Alatala.

Galatia 6:15

Ledo ria gunana nisuna atau ledo nisuna. Anu nopoko, Alatala nompajadi kita manusia nabaru.

Roma 14:17

Apa anu nopoko riara Poparenta nu Alatala, ledo anu nikandeta atau niinuta. Anu nopoko, kita manoa rarata, bo matuvu mosinggabelo ante roata, bo madamba rarata sabana Nosa Gasa nu Alatala naria riara ntaita.

Matius 28:19

Jadi koimo komiu, hau ri umba-umba ri dunia, mompatuduki tona lako ri umba-umba ngata majadi topangoseaka Yaku. Diumo ira ante kuasa nTuamata Alatala, Yaku AnaNa, bo Nosa Gasa.

Matius 18:3

bo nanguli, “Pariaramo tesaKu hitu! Ane komiu ledo mombabali inggumiu bo majadi nasimbayu eva ngana kodi hitu, komiu ledo majadi todea riara Poparenta nu Alatala.

Suro-Suro 3:19

Jadi sampesuvu-sampesuvu, komiu kana majea lako ri dosa-dosamiu bo matundu nte Alatala ala dosa-dosamiu ralelakaNa.

Lukas 13:3

Tantu ledo! Tapi Kuuli ka komiu, ane komiu ledo majea movia dosa, komiu rahuku pura.

Matius 5:20

Pariaramo tesaKu hitu! Komiu kana matutupa nangoseaka dota nTupu pade guru-guru agama bo toFarisi. Ane ledo, komiu ledo ntoto mamala majadi todea riara Poparenta nu Alatala.”

Roma 8:2

Apa Nosa Gasa anu nanggeni kita natuvu nosangu rara nte i Yesus Kristus, nombakabasaka kita lako ri kuasa dosa bo kamatea.

Lukas 13:24

“Tona rapakasalama namala nirapaka tona mesua ri vamba napii. Pasimbukumo mesua ri vamba napii haitu. Apa nadea tona mompasimbuku mesua tapi ledo rapakulera.

Lukas 13:5

Ledo ntoto nakana! Kuuli vai ka komiu sangganipa, ane komiu ledo majea movia dosamiu, natantu komiu pura-pura rahuku muni.”

Matius 19:24

Bo Kuuli muni ka komiu, namurapa unta mesua ri puki jaru pade tona nakalumana matundu nte Alatala bo majadi todeaNa.”

Matius 21:31

Nanguli i Yesus ka pakeni ntoYahudi haitu, “Jadi lako ri ngana randua haitu, isemana nangoseaka dota ntuamana?” Nesana ira, “Ngana paratamana.” Nanguli i Yesus ka ira, “Nakana pesanamiu. Tapi pariaramo tesaKu hitu, tona nadaa eva topesingara balasitee bo bajinga-bajinga mokolu majadi todea riara Poparenta nu Alatala, ledo komiu.

Markus 9:47

Bo ane rapana matamiu manggeni komiu movia dosa, suimo matamiu haitu! Aginapa komiu majadi todea nu Alatala riara PoparentaNa ante mata sabingga, pade ratedaka riara narakaa ante matamiu robingga.

Markus 10:14

Nanggita haitu naraumo rara i Yesus sampe niulikaNa anaguruNa, <

Yohanes 3:4

Nekutana i Nikodemus nte Ia, “Mamala tona natuamo rapoanaka mpanjili? Mamala ia mesua vai riara ntai ntinana bo rapoanaka mpanjili?”

1 Korintus 15:50

Sampesuvu-sampesuvu, iveimo patujuku: karota ri dunia hitu nipovia lako ri isi bo raa. Kita ledo mamala monturo ri Poparenta nu Alatala ri suruga ante karota anu mamate bo mapopo, sabana ri suruga ledo ria kamatea.