Yohanes 3:14 - Kaili Ledo

¹⁴ Nabi Musa nggaulu novia sanggayu ule tambaga ri karava bai bo nianggatakana pakalanga ri tinja sambesa ala isema-sema mantingoa ule haitu ledo mamate. Yaku, Ana nu Manusia kana raanggataka pakalanga, nasimbayu mpo ule haitu,

Yohanes 3:14 Referans Kwoze

Yohanes 8:28

Haitu sampe niuliNa vai ka ira, “NiuliKu ka komiu isema Yaku. Bo maupu komiu manganggataka Yaku, Ana nu Manusia, ri kayu salib, tempo haitu pade rasanimiu tesaKu hitu nakana bo rasanimiu muni ledo ria sangayaa nipoviaKu nangoseaka dotaKu mboto. Tapi Yaku bate-batena notesa nangoseaka anu nipatuduki nTuamaKu ka Yaku.

Suro-Suro 2:23

I Yesus haitu nidekei nu Alatala ka komiu bo nipatesimiu. Ia nidekeimiu ka tona nadaa nombapaku ri kayu salib. Tano mai, anu najadi haitu nangoseaka nia nipakatantu nu Alatala lako ri pamulana, apa nisaniNa mami lako ri pamulana anu majadi ante i Yesus.

Matius 26:54

Tapi ane ivesia, ledo madupa tesa riara Buku Gasa anu nanguli pura-pura hitu kana majadi nte Yaku.”

Lukas 24:20

Tapi balengga-balengga ntopanggeni pesomba bo totua-totua nu ngatata nombadekei Ia ka pomarenta ala rahuku mate, bo nipakura Ia ri kayu salib.

Matius 8:20

Nesana i Yesus, “Asulaku naria bolona rapaturuna bo tonji naria jumuna, tapi Yaku, Ana nu Manusia, ledo ria ponturoKu natantu Kupaturu.”

Yohanes 6:51

Yakumo hii kandea anu nanau lako ri suruga, anu nombadekei katuvua nabelo haitu. Isema-sema mangande kandea hitu, matuvu mabelo sampe ri kasae-saena. Kandea anu nombadekei katuvua nabelo, batuana isi karoKu anu Kudekei ala manusia mamala matuvu mabelo sampe ri kasae-saena.”

Yohanes 18:32

Haitu najadi mompakadupa tesa i Yesus tempo Ia notesa dala kamateNa.