Yohanes 21:3 - Kaili Ledo

³ Nanguli i Simon Petrus ka roa-roana, “Hau mompemala bau ri rano yaku.” Nesana roana, “Hau muni kami.” Jadi hau ira nosanggani-nggani nesavi sakaya. Nojala baumo ira njambongi ntua tapi ledo ntoto ria bau namala nialara.

Yohanes 21:3 Referans Kwoze

Lukas 5:5

Nesana i Simon, “Guru, sambongi ntuamo kami nompemala bau tapi nau sambaa ledo ntoto naria nikava kami. Tapi apa Komiu netudu, jadi ratendeaka kami sangganipa jala mompemala bau.”

1 Tesalonika 2:9

Sampesuvu-sampesuvu, natantu da nitoramiu pompasimbuku kami bo kasusa kami bara ipia. Eo bongi kami nompasimbuku nokarajaa nompaelo mboto ala komiu ledo masesa mompekirika katuvu kami tempo nompatolele Kareba Belo nu Alatala ka komiu.

1 Korintus 3:7

Topotuda bo topodundusi ledo masipato raparibavo. Anu nopoko, iamo Alatala, apa Iamo topompakatuvu tuda-tuda.

1 Korintus 9:6

Atau nisarumakamiu aga yaku bo i Barnabas kana mokarajaa ante pale kami mboto mompaelo? Ledo masipato kami muni ratande ntodea topomparasaya?

Suro-Suro 20:34

Nisanimiu mboto yaku nokarajaa ante paleku mboto ala kuali mboto anu niparaluuku bo anu niparaluu roa-roaku.

Suro-Suro 18:3

bo nonturo nte ira sabana popaelo i Paulus nasimbayu ante popaelora, haitumo novia tenda. Ira tatalu nokarajaa nosinggani-nggani.

Yohanes 21:4

Nebonda eo, neanggamo i Yesus ri bivi rano, tapi ledo nisani nu anaguruNa Ia haitu i Yesus.