Yohanes 20:29 - Kaili Ledo

²⁹ Nanguli i Yesus ka i Tomas, “Iko nomparasaya sabana nikitamu Yaku. Tapi nabelopa tona nomparasaya nau ledo nikitana Yaku.”

Yohanes 20:29 Referans Kwoze

1 Petrus 1:8

Nau ledo nikitamiu Ia bara ipia, komiu nompotove Ia. Bo nau ledo nikitamiu Ia sii-sii, tapi komiu batena nomparasaya Ia. Bo kadamba raramiu naoge mpuu sampe ledo rapakule mombasovadakana.

2 Korintus 5:7

Apa kita natuvu ri dunia hitu lako ri pomparasayata ledo lako ri anu nikitata.

Ibrani 11:1

Ane kita nomparasaya, batuana nisanitamo anu nisarumakata mpuu-mpuu rakavata. Nau dopa nikitata, nariamo katantuna riara ntaita anu haitu mpuu-mpuu majadi.

Ibrani 11:27

Lako ri pomparasaya i Musa, nipalaisina tana Mesir. Ia ledo naeka ka Magau Mesir nau narau mpuu rara Magau. I Musa batena naroo rarana, apa eva nikitana Alatala anu ledo nikita.

Lukas 1:45

Nabelo mpuu iko, sabana niparasayamu anu niuli nTupu ka iko mpuu-mpuu majadi.”

Yohanes 4:48

Nangepe haitu, nanguli i Yesus ka ia, “Komiu todea, ane ledo rakitamiu tanda-tanda nipokumaaka bo kabaraka-kabaraka, ledo ntoto raparasayamiu.”

Yohanes 20:8

Pade nesua munimo anaguru ntanina anu nokolu nakava ri dayo pangane. Nikitanapa kae haitu, niparasayana munimo i Yesus natuvu mpanjili.

Ibrani 11:39

Ira pura-pura nipodamba nu Alatala sabana pomparasayara. Nau ivesia, dopa nitarimara pura-pura anu nijanji nu Alatala,

Matius 13:16

Bo napolamo tesa i Yesus ka anaguruNa, “Tapi ane komiu, Alatala mpuu-mpuu nombadekei belo ka komiu, sabana matamiu nanggita anu nipoviaKu, bo talingamiu nangepe tesaKu.

Yohanes 20:28

Nanguli i Tomas ka i Yesus, “Tupuku! Alatala nisombaku!”