Yohanes 20:25 - Kaili Ledo

²⁵ Jadi nanguli ana-anaguruNa ntanina ka i Tomas, “Nikita kamimo i Pue!” Tapi nanguli i Tomas, “Ane dopa kukita valea nu paku ri paleNa bo kudika koya-mpaleku ri bela nu paku, bo ane dopa muni kudika paleku ri valea ntavala ri usuNa, dopa kuparasaya.”

Yohanes 20:25 Referans Kwoze

Yohanes 6:30

Bo nanguli vaimo ira, “Ane ivesia, tanda nuapa rapoviaMiu ala rakita kami bo raparasaya kami Komiu? Povia nuapa rapoviaMiu?

Markus 16:11

Tapi tempo niepera tesana nanguli i Yesus natuvu mpanjili bo nikitanamo Ia, ledo ntoto niparasayara tesa haitu.

Ibrani 3:18

Alatala nojanji ivei: “Ira ledo ntoto mamala menonto mosanggani-nggani ante Yaku!” Isema nipatuju nu Alatala? Natantumo ira anu ledo natundu nte Ia.

Ibrani 3:12

Jadi sampesuvu-sampesuvuku, komiu kana mainga ala nee maria komiu majadi madaa bo ledo momparasaya sampe motubengosi Alatala anu natuvu sampe ri kasae-saena!

Yohanes 21:7

Anaguru anu nipotove i Yesus nanguli ka i Petrus, “I Pue, tano!” Niepe i Petrus tesa haitu, nipasuana mpanjili bajuna, sabana ia ledo nobaju pangane. Bo nekavantumo ia hau riara rano norabu hau ri kabatana.

Yohanes 1:41

Naliu i Andreas nosinggava nte i Yesus, haumo ia nasalisa nangelo sampesuvuna i Simon bo nanguli, “Kami nosinggava nte Mesias!” (Batuana “Magau Topepakasalama anu nijanji nu Alatala”. Riara basa Yunani “Kristus”.)

Lukas 24:25

Nangepe haitu, i Yesus nanguli ka ira, “Nadoyo mpuu komiu! Nakumba mpuu pekirimiu momparasaya anu nitesa nu nabi-nabi nggaulu!

Matius 27:42

“Tona ntanina nipakasalamaNa. Tapi peinta vei! KaroNa mboto ledo namala nipakasalamaNa! Ane Ia mpuu-mpuu Magau ntoYahudi, agina Ia manau lako ri kayu salib bo kami momparasaya Ia!

Markus 16:13

Naupu sia, nanjilimo ira randua bo notesa kajadia haitu ka roa-roara ntanina. Tapi roara haitu ledo muni nomparasaya tesara.

Markus 16:14

Naupu haitu, i Yesus nompopakita karoNa ka sapulu saitopa anaguruNa tempo ira nonturo nangande nosanggani-nggani. NionteakaNa ira sabana nakura pomparasayara bo nakaa bagara sampe ledo nadota nomparasaya tesa nu roara anu nanggita Ia natuvu mpanjili.

Yohanes 20:27

Naupu haitu, niuliNa ka i Tomas, “Peintamo paleKu hitu. Dikamo koya-mpalemu ri sii. Bo dikamo palemu ri valea ntavala ri usuKu hitu. Tumo mabata-bata raramu, tapi parasayamo!”