Yohanes 20:23 - Kaili Ledo

²³ Ane raampungimiu dosa ntona, dosara raampungi nu Alatala muni, bo ane ledo raampungimiu dosa ntona, dosara ledo muni raampungi nu Alatala.”

Yohanes 20:23 Referans Kwoze

Matius 18:18

Pariaramo tesaKu hitu! Nuapa-nuapa nitagimiu ri dunia hitu, haitu anu nitagi muni ri suruga. Bo nuapa-nuapa radekeimiu rapovia ntona ri dunia hitu, haitu muni nidekei nu Alatala ri suruga.

Matius 16:19

Yaku mombadekei ka iko gunji Poparenta nu Alatala, haitumo, kuasa manggeniaka todea anu nomparasaya Yaku. Nuapa-nuapa mutagi ri dunia, haitu muni anu nitagi nu Alatala ri suruga. Bo nuapa-nuapa mudekei rapovia ntona ri dunia, haitu muni anu nidekei nu Alatala ri suruga.”

1 Timotius 1:20

evamo i Himeneus bo i Aleksander. Nidekeikumo ira randua riara kuasa Magau nu Seta ala rahuku, ala domo rasalaira Alatala.

Suro-Suro 10:43

Pura-pura nabi nggaulu notesa i Yesus. Niulira isema-sema momparasaya i Yesus, dosana raampungi ante kuasa i Yesus.”

Suro-Suro 2:38

Nesanamo i Petrus, “Kajeamo lako ri dosa-dosamiu, bo komiu kana radiu saito-saito, tandana komiu nomparasaya i Yesus Kristus, bo Alatala mombaampungi komiu bo mombadekei Nosa GasaNa ka komiu.

Efesus 2:20

Kita topomparasaya i Kristus nirapaka gana-gana nu banua nibangu nu Alatala. Suro-suro i Kristus bo nabi-nabi nirapaka pandasi nu banua haitu. I Yesus Kristus nirapaka vatu nu pandasi anu nelabi nopoko.

Yohanes 20:22

Naupu haitu nitavusiNamo ira ante nosaNa bo nanguli, “Tarimamo Nosa Gasa nu Alatala.