Yohanes 20:16 - Kaili Ledo

¹⁶ Nanguli i Yesus ka ia, “He, Maria.” Nangepe haitu, neili i Maria bo nanguli riara basa Ibrani, “Rabuni!” (Batuana, “Guru.”)

Yohanes 20:16 Referans Kwoze

Yohanes 10:3

Topojaga gimpu mombabuka bobaa ka ia, bo bimba-bimba haitu mombatalingai suarana ane rapokiona sangara sangu-sangu. Bo rakenina ira hau ri savalikuna.

Yohanes 1:38

I Yesus neili ntaliku nanggita ira nangoseaka Ia. Bo nipekutanaNa, “Nuapa nielomiu?” Nesanamo ira randua, “Rabi, ri umba ponturoMiu?” (Batuana Rabi, Guru.)

Suro-Suro 10:3

Naria saeo nitasere tinti tatalu ede eo, naria anu nipopakita ka ia, haitumo saito malaeka nu Alatala nakava nombaronde ia, “Kornelius!”

Suro-Suro 9:4

Nadunggamo ia bo niepena suara nanguli ka ia, “Saulus, Saulus! Nakuya iko nompandasa Yaku?”

Yohanes 6:25

Tempo tona dea nosintomu nte i Yesus ri sambote rano, nipekutanaramo, “Guru, ipia Komiu nakava ri sii?”

Yohanes 20:28

Nanguli i Tomas ka i Yesus, “Tupuku! Alatala nisombaku!”

Yohanes 13:13

Niulimiu Yaku Gurumiu bo Tupumiu, bo tesamiu haitu nakana, sabana Yaku mpuu-mpuu Gurumiu bo Tupumiu.

Yohanes 11:28

Naupu i Marta notesa ka i Yesus ivesia, hau ia nompokio i Maria bo nanggalivaya ka ia, “Nakavamo i Guru. Ia madota mosinggava nte iko.”

Yohanes 5:2

Ri ngata Yerusalem naria bobaa ngata nosanga “Bobaa Bimba”. Napara bobaa haitu naria sangu kola niuli riara basa ntoYahudi Kola Betesda. Nantalili kola haitu naria lima-angu tambale nagaya anu nisouni.

Yohanes 3:2

Ia nakava nte i Yesus tempo nabongi bo nanguli, “Guru, nisani kami Komiu tu nisuro nu Alatala mompatuduki kami. Sabana, ledo ria saitoa tona mompakule movia kabaraka mpo anu nipoviaMiu tutu ane Alatala ledo nosanggani nte ia.”

Yohanes 1:49

Nangepe tesa haitu nangulimo i Natanael, “Guru, Komiumo Ana nu Alatala! Komiu mpuu-mpuu magau ntoIsrael!”

Lukas 10:41

Nesana i Yesus, “Heh, Marta, nikitaKu iko nabago bo nasesa raramu nompekirika mpengaya-ngaya.

Matius 14:27

Tapi kaliu-liu nanguli i Yesus ka ira, “Nee maeka! Pakaroso raramiu! Yaku hii!”

Markus 10:51

Nekutanamo i Yesus, <> Nesana toburo haitu, <>