Yohanes 2:6 - Kaili Ledo

⁶ Ri sia naria aono gumba mbaso nipovia lako ri vatu nipasadia rapomboli uve rapotoposi kada bo pale nangoseaka ada-ada ntoYahudi. Sangu gumba haitu, isina saatu lite uve.

Yohanes 2:6 Referans Kwoze

Yohanes 3:25

Ri sia ana-anaguru i Yohanes nosinjanai nte saito toYahudi. Ira nosinjanaika ada-ada pompakagasa karo anu nituntuni ntoYahudi.

Ibrani 9:10

Atura-atura haitu aga nosinggambela ante kandea, panginu bo mpengaya ada pediu. Atura-atura haitu aga nosinggambela ante karota, ledo nosinggambela ante rara ntaita, bo atura-atura haitu aga nipake sampe makava tempona Alatala movia pojanji nabaru.

Efesus 5:26

PatujuNa ala kita majadi todea nu Alatala. NipegasaNa kita nadosa sabana kita nomparasaya tesaNa bo kita nidiu nte uve tandana kita topangoseaka Ia.

Ibrani 10:22

Jadi kita kana metupu nte Alatala ante rarata naliangu bo pomparasayata ledo nolengga-lengga. Apa rara ntaita nipakagasamo ante raa i Kristus, jadi nisanita domo ria salata. Kita nidiu ante uve gasa, tandana kita nipakagasaNamo.

Ibrani 9:19

Pamulana, i Musa nompopaisani ka todea toYahudi pura-pura parenta anu naria riara Atura-atura nu Alatala. Naupu haitu nialana raa ana japi bo tovau lakina nisambale bo nigalona ante uve. Naupu haitu nialana sepi-sepi nu kavoko hisop anu nipou ante lui bulu bimba nalei. Nitomena ri raa bo nivembasikana Buku Parenta-Parenta bo todea.

Ibrani 6:2

Nee aga mombasili pepatuduki ada pediu, atau ada mombadika pale ri balengga ntona merapi belo ka ira. Nee aga mombasili pepatuduki matuvu mpanjili lako ri kamatea bara maipia atau pepatuduki pehuku sampe ri kasae-saena. Nee aga mombasili-sili pepatuduki pamulana haitu, kana ratambaipa!

Lukas 16:6

Nesana tona haitu, ‘Saatu gumba nu lana.’ Nanguli topompasiayu haitu, ‘Sii sura indamu. Ponturo ri sii, tulisimo limapulu gumba nu lana.’

Yohanes 2:7

Nanguli i Yesus ka topokarajaa ri posusa haitu, “Isimo gumba-gumba haitu ante uve.” Jadi niisira mpuumo sampe naponu.