Yohanes 2:16 - Kaili Ledo

¹⁶ Bo niulikaNa topobalu tonji banggebodo haitu, “Keni haumo pura-pura anu tutu lako ri sii! Banua nTuamaKu nee rapajadi banua pogade!”

Yohanes 2:16 Referans Kwoze

Matius 21:13

NiulikaNa ira, “Riara Buku Gasa nitulisi ivei: ‘BanuaKu kana rauli banua posambaya.’ Tapi komiu ri sii nompajadi Banua nu Alatala hitu petabuni ntopeago!”

Markus 11:17

I Yesus nompatuduki todea ri sia. Nanguli Ia, < >> Yesaya 56:7; Yeremia 7:11

Lukas 2:49

Nesana Ia, “Nakuya nielokamiu Yaku? Ledo nisanimiu Yaku kana maria ri banua nTuamaKu?”

2 Petrus 2:3

Guru-guru mpodava haitu nadoko doi. Haitu sampe ira aga mangelo untu lako nte komiu ante tesa-tesa ledo nakana, anu nikarara mboto. Tapi pehuku ka ira nasaemo nipakatantu. Ira rahuku nu Alatala bo tempona ledo rasoro-soro.

Yohanes 5:17

Tapi nanguli i Yesus ka ira, “TuamaKu bate-batena nokarajaa sampe ri eo hitu, bo Yaku muni kana mokarajaa.”

1 Timotius 6:5

bo ledo naupu-upu nosipakadua rara. Nadaamo pekirira bo domo nisanira anu nakana. Nisarumakara makalumana ira ane moagama.

Yohanes 20:17

Nanguli i Yesus ka ia, “Nee rakabe Yaku, apa Yaku dopa neore hau nte TuamaKu. Tapi koimo hau nte sampesuvu-sampesuvuKu bo uli ka ira ivei: ‘Yaku hau nte TuamaKu bo Tuamamiu, haitumo Alatala nisombaKu bo nisombamiu.’ ”

Yohanes 10:29

TuamaKu niparasayakaNa ka Yaku bimba-bimba haitu bo Iamo naogepa pade pura-pura anu naria. Ledo ntoto ria saitoa tona mamala mangago ira lako nte Ia.

Yohanes 8:49

Nesana i Yesus, “Yaku ledo nipesua nu seta. Yaku nombabila TuamaKu, tapi aga nisalaimiu Yaku.

Matius 21:12

Hau i Yesus nesua ri doyata Banua nu Alatala bo nipopalaiNa pura-pura tona nobalu-balu ri sia. NisumbolinakaNa meja-meja ntoposula doi bo bangku-bangku ntopobalu tonji banggebodo.

Matius 22:5

Tapi tona nigaga ledo ntoto nipeilira pegaga haitu. Ira aga hau nantui bagora mboto. Naria hau ri taluana bo naria hau nombaurusi pogadena,

Yohanes 2:15

Nanggita haitu, i Yesus novia cambu lako ri kaloro bo nipopalaiNa pura-pura ira lako ri Banua nu Alatala nosinggani-nggani ante bimba bo japi haitu. Doi ntoposula doi nikamburakaNa. Bo meja-mejara nisumbolinakaNa.