Yohanes 19:42 - Kaili Ledo

⁴² Jadi karobata i Yesus nibolira riara dayo haitu, sabana dayo haitu napara bo domo masae pamulana eo penonto.

Yohanes 19:42 Referans Kwoze

Yohanes 19:31

Eo haitu eo pompakasadia ka eo penonto, bo eo penonto haitu nambela eo pamulana posusa Paskah ntoYahudi. Nantuntuni ada ntoYahudi ledo mamala karobata ntona nipaku ri kayu salib rapalamba moloe hamai sampe eo penonto, nemopa eo penonto haitu Eo Mbaso. Jadi haitu sampe pakeni-pakeni ntoYahudi nerapi nte i Pilatus ala kada ntona nipaku ri kayu salib haitu raboba pakakoto ala tona haitu masalisa mamate bo karobatara masalisa ratauraka lako ri kayu salib.

Yohanes 19:14

Tempo haitu nambela eo pompakasadia ka eo penonto, nitasere tongo eo. Nangulimo i Pilatus ka toYahudi, “Siimo magaumiu!”

Yohanes 19:41

Napara ri savaliku ngata pompaku i Yesus ri kayu salib, naria salibo pampa. Ri pampa haitu naria sangu dayo nabaru, haitumo vatu nipaa bo dopa sanggani nipake.

Kolose 2:12

Tempo kita nidiu tandana kita topangoseaka i Kristus, nireke kita namate bo nitana nosanggani-nggani ante i Kristus. Bo nireke muni kita nipakatuvu mpanjili nosanggani-nggani ante i Kristus, sabana kita nomparasaya kuasa nu Alatala anu nompakatuvu mpanjili i Kristus lako ri kamateNa.

1 Korintus 15:4

Ia nitana ri dayo, bo ri eo katataluna nipakatuvu mpanjili bo haitu muni najadi nangoseaka anu nitulisi riara Buku Gasa.

Suro-Suro 13:29

Naupu nipandasara i Yesus, evamo nitulisi ri Buku Gasa, karobataNa nitoraka lako ri kayu salib bo niboli riara nu dayo.

Yohanes 19:20

Nadea toYahudi nombaca anu nitulisi ri dopi haitu sabana pompaku i Yesus napara ngata Yerusalem, bo tesa haitu nitulisi riara talu-ngaya basa, haitumo basa Ibrani, basa Latin, bo basa Yunani.

Matius 12:40

Talu-mbongi bo talu-eo kasaena Nabi Yunus riara ntai bau mbaso. Ivesia muni Yaku, Ana nu Manusia, kana riara dayo talu-mbongi talu-eo kasaena.