Yohanes 19:18 - Kaili Ledo

¹⁸ Ri siamo i Yesus nipakura ri kayu salib. Ri tempo haitu naria muni randua tona ntanina nipaku ri kayu salibra, saito ri sabingga ngganaNa, saito ri sabingga njidiNa bo i Yesus ri tatangara.

Yohanes 19:18 Referans Kwoze

Galatia 3:13

Kita manusia masipato rahuku nu Alatala, sabana kita pura-pura nombaliunaka AturaNa. Tapi i Kristus nombakabasaka kita lako ri pehuku haitu, sabana tempo Ia namate ri kayu salib, Iamo nihuku manjambei kita. Nisanita i Kristus nihuku nu Alatala sabana naria tesa riara Buku Gasa nanguli ivei: “Isema-sema namate niloe ri kayu, haitu tandana ia nihuku nu Alatala.”

Yohanes 18:32

Haitu najadi mompakadupa tesa i Yesus tempo Ia notesa dala kamateNa.

Matius 27:44

Bo ivesia muni i Yesus nidee ntopeago-topeago anu nipaku ri kayu salib ri sinjoriNa.

Ibrani 12:2

Kita kana mangova mompetoto i Yesus, sabana Iamo nanggeni kita nomparasaya bo Iamo nompopompakule kita bate-batena momparasaya sampe ri kaupuna. I Yesus nombatidamaka kasusa bo kapari tempo nipaku ri kayu salib. Ri mata ntodea, namate ri kayu salib nepakaeya. Tapi ledo nipekirikaNa eyaNa, sabana nitoraNa kadamba nipakasadia ka Ia. Bo sii-sii Ia nonturo ri gadera magau ri panggana nu Alatala.

Yohanes 19:32

Jadi haumo tantara-tantara mombaboba pakakoto kada-kada ntona randua anu nipaku ri kayu salib ri sinjori i Yesus.

Suro-Suro 2:23

I Yesus haitu nidekei nu Alatala ka komiu bo nipatesimiu. Ia nidekeimiu ka tona nadaa nombapaku ri kayu salib. Tano mai, anu najadi haitu nangoseaka nia nipakatantu nu Alatala lako ri pamulana, apa nisaniNa mami lako ri pamulana anu majadi ante i Yesus.