Yohanes 19:1 - Kaili Ledo

¹ Naupu haitu i Pilatus nantudu tantara-tantarana mombacambu i Yesus.

Yohanes 19:1 Referans Kwoze

Matius 20:19

Maupu haitu Yaku radekeira ka tona ledo toYahudi. Bo Yaku rapongei-ngeikara bo racambu pakandasa, bo kaupuna Yaku rapaku ri kayu salib sampe mamate. Tapi ri eo katataluna Yaku rapakatuvu mpanjili.”

Lukas 23:16

Sabana haitu, kutudu tantaraku mombaboba bo mombakabasaka Ia.”

Lukas 18:33

Yaku racambu pakandasa bo rapatesira. Tapi ri eo katataluna Yaku matuvu mpanjili.”

Lukas 23:23

Tapi ira aga nantambaipa kamanggana pongarera, “I Yesus kana rapaku ri kayu salib!” Kaupuna, padagimo ira, apa ira ledo naupu-upu nongare.

Matius 23:34

Pariaramo! Kutudu nabi-nabi bo tona nanoto bo guru-guru tou mompatuduki tesaKu ka komiu. Sanu rapatesimiu, sanu rapakumiu ri kayu salib, bo sanupa racambumiu riara banua-banua petupumiu. Bo sanupa raraga-ragamiu lako ri sangu ngata hau ri ngata ntanina.

1 Petrus 2:24

I Yesus mbotomo nanjimbuaka dosa-dosata tempo Ia nipaku ri kayu salib, ala kita rakabasaka lako ri kuasa nu dosa bo matuvu mangoseaka dota nu Alatala. Bo kita nipakabelomo lako ri baka-baka i Kristus.

Ibrani 11:36

Naria muni tona nipongei-ngeika bo nicambu pakandasa, bo naria tona nibalanggu bo nisuaraka riara ntarunggu.

2 Korintus 11:24

Lima-ngganimo yaku nicambu ntoYahudi, talu-pulu sio-mbela sanggani.