Yohanes 18:28 - Kaili Ledo

²⁸ Da bobayana ntoto, nikeniramo i Yesus lako ri banua i Kayafas hau ri banua nu Gubernur. Pakeni-pakeni ntoYahudi mboto ledo nesua riara banua Gubernur Pilatus haitu, sabana ira majadi maruto nangoseaka Atura-atura agamara, bo ledo mamala mangande kandea posusa Paskah ngena.

Yohanes 18:28 Referans Kwoze

Yohanes 19:9

Jadi nesua mpanjilimo ia riara banuana bo i Yesus muni nikeni nesua. Nekutanamo i Pilatus, “Tona lako ri umba Iko?” Tapi ledo nesana i Yesus.

Yohanes 18:33

Nangepe haitu, nesua vaimo i Pilatus hau riara banuana bo nituduna tona manggeni i Yesus ka ia. Bo nipekutanana i Yesus, “Nakana mpuu Iko Magau ntoYahudi?”

Yohanes 19:14

Tempo haitu nambela eo pompakasadia ka eo penonto, nitasere tongo eo. Nangulimo i Pilatus ka toYahudi, “Siimo magaumiu!”

Matius 27:27

Naupu sia tantara nu Gubernur nanggeni i Yesus hau ri tombi potangara riara Banua Gubernur bo nirondera pura-pura roara nasiromu nantagui i Yesus.

Suro-Suro 3:13

Alatala anu nisomba ntotuata bo Nabi Abraham, i Ishak, bo i Yakub, Iamo nombabila bo nompakaoge BatuaNa i Yesus. I Yesus haitumo nidekeimiu ka pomarenta, bo Iamo nipoaramiu ri ngayo i Pilatus tempo i Pilatus madota mombakabasaka Ia.

Yohanes 11:55

Tempo haitu naparamo eo mbaso agama Yahudi anu niuli Eo Mbaso Paskah. Jadi nadeamo tona lako ri ngata-ngata ntoYahudi nantende hau ri ngata Yerusalem ala mantuntuni ada pompakagasa karora dopame rapamula Eo Mbaso Paskah.

Suro-Suro 11:3

Niulira, “Nakuya komiu hau ri banua ntona ledo toYahudi? Bo nakuya komiu nangande mpasanggani-nggani nte ira?”

Suro-Suro 10:28

bo niulikana ira, “Sampesuvu-sampesuvu, nisanimiu mboto, nantuntuni Atura agama Yahudi, kami toYahudi nitagi mosimporoa atau mompanjayo tona ledo toYahudi. Tapi Alatala nompakalanto ka yaku riara anu nipopakitaNa ka yaku, ledo mamala kuuli sanu manusia naruto atau ledo mamala kuporoa, sabana Alatala nantarima pura-pura manusia.

Yohanes 18:39

Tapi nangoseaka kabiasamiu, ane Eo Mbaso Paskah kana kukabasaka ka komiu saito tona nitarunggu. Madota komiu kukabasaka ka komiu Magau ntoYahudi hitu?”

Lukas 22:66

Naeo mpadondo nasiromumo tona ri Polibu Mbaso Agama Yahudi, haitumo totua-totua ntoYahudi, balengga-balengga ntopanggeni pesomba, bo guru-guru agama. Pade nikenira i Yesus hau ri ngayo ntoPolibu haitu.

Markus 15:16

Tantara-tantara nanggeni i Yesus hau ri tombi potangara riara banua Gubernur Pilatus. Bo nirondera pura-pura roara masiromu.

Yohanes 18:13

Nikenira ntani ruru i Yesus hau nte i Hanas, matua langgai i Kayafas. I Kayafas haitu tona najadi Pakeni nTopanggeni Pesomba mpae haitu.

Yohanes 18:15

I Simon Petrus bo saito anaguru ntanina nantuntuni i Yesus. Anaguru saito haitu nosisani ante Pakeni nTopanggeni Pesomba. Jadi ia namala nesua nosanggani-nggani ante i Yesus ri doyata banua nu Pakeni haitu.

Yohanes 19:11

Nesana i Yesus, “Ane Alatala ledo mombadekei kuasa ka komiu, komiu ledo mamala mombakuasai karoKu. Jadi dosa ntona anu nanggeni Yaku tumai nte komiu nambasopa pade dosamiu.”

Suro-Suro 4:27

O Pue, dopa nasae ri ngata hitu, Magau Herodes bo i Pontius Pilatus nasiromu ante toIsrael bo tona ledo nosisani nte Komiu. Patujura mangeva i Yesus, BatuaMiu nagasa, anu nipelisiMiu majadi Magau Topepakasalama.

Suro-Suro 10:32

Jadi tudumo tona hau ri ngata Yope mangulika tona nosanga i Simon Petrus tumai. Ia nesai ri banua ntopokarajaa kulimba anu nosanga i Simon, anu nonturo ri talinti.’