Yohanes 17:17 - Kaili Ledo

¹⁷ Patudukimo ira ante TesaMiu nakana sampe ira majadi todeaMiu nagasa. TesaMiu haitumo pepatuduki nakana.

Yohanes 17:17 Referans Kwoze

Yohanes 15:3

Komiu tu nagasamo sabana nipariaramiumo pepatuduki nitesaKu ka komiu.

Efesus 5:26

PatujuNa ala kita majadi todea nu Alatala. NipegasaNa kita nadosa sabana kita nomparasaya tesaNa bo kita nidiu nte uve tandana kita topangoseaka Ia.

Yohanes 17:19

Tata, Kudekei katuvuKu ka Komiu bo novia dotaMiu, ala manggeni belo ka anaguruKu, haitumo ala ira mpuu-mpuu mangoseaka pepatuduki nakana bo majadi todeaMiu nagasa.”

Yohanes 8:32

Bo ane ivesia, rasanimiumo pepatuduki nakana sampe komiu rakabasaka lako ri pobatuamiu.”

Yakobus 1:21

Jadi, kabasaka puramo kabiasamiu naruto bo nadaa. Pakaede raramiu bo pariaramo tesa nu Alatala anu nitudaNa riara ntaimiu. Apa tesa haitu nakuasa mompakasalama komiu.

2 Tesalonika 2:13

Jadi, sampesuvu-sampesuvu nipotove i Pue, masipato kami masaro manguli tarima kasi ka Alatala sabana komiu. Sabana, Alatala nompelisi komiu lako ri ulu jadi ala komiu rapakasalamaNa. Komiu nipakasalama ante kuasa Nosa Gasa anu nombabaliki komiu majadi todea gasa nu Alatala, bo komiu nipakasalama sabana pomparasayamiu pepatuduki nakana.

Efesus 4:21

Niepemiumo karebaNa, bo komiu nosangu rara nte Ia, jadi natantu komiu nipatudukika pepatuduki nakana anu notesaki i Yesus.

Lukas 8:15

Savua nanavu ri tana naboya, nirapaka tona nanoa bo nabelo rarara. Niepera Tesa nu Alatala bo nipariarara. Ira bate-batena nangoseaka Tesa nu Alatala sampe noguna mpuu katuvura.”

2 Korintus 3:18

Sii-sii lenjeta ledo nisalibumbu mpo lenje i Musa nggaulu, apa kita nompopakita kaoge i Pue Yesus riara nggatuvuta. Bo kaoge haitu nakava lako nte Tupu, haitumo Nosa Gasa anu natuvu riara ntaita. Nosa Gasa sakide-sakide nombabaliki kita majadi nasimbayu mpo i Pue Yesus, ala sakide-sakide mantambaipa kaogeNa rakita riara nggatuvuta.

Suro-Suro 15:9

Alatala ledo nompoposisala kita toYahudi ante ira ledo toYahudi. Ia nompakagasa rarara, sabana ira nomparasaya.

Lukas 8:11

Ivei batuana porapa pangane: savua nirapaka Tesa nu Alatala.

Yohanes 8:40

Yaku nompasimbayu ka komiu pepatuduki nakana anu niepeKu lako nte Alatala, tapi komiu aga nompasimbuku mompatesi Yaku. Ledo ivesia pokainggu i Abraham!