Yohanes 16:4 - Kaili Ledo

⁴ NitesaKu mami ka komiu kamateKu, ala tempo haitu majadi ngena, ratoramiu nariamo nitesaKu ka komiu.” “Tesa hitu ledo niuliKu ka komiu lako ri pamulana sabana Yaku da nosanggani-nggani ante komiu.

Yohanes 16:4 Referans Kwoze

Yohanes 14:29

Sii-sii niuliKu mamimo ka komiu dopame majadi anu nitesaKu pangane, ala tempo madupa ngena, raparasayamiumo Yaku.

Markus 13:23

Tapi komiu kana mainga sabana dopame majadi, lave nipopaisaniKu mamimo pura-pura hitu ka komiu.>>

Yohanes 13:19

Dopame majadi anu haitu, Kuuli mami ka komiu ala tempo anu haitu majadi ngena, rasanimiu mpuu isema Yaku.

Matius 9:15

Nesanamo i Yesus ka ira, “Ledo masipato torata ri posusa poboti masusa rara bo mopuasa tempo boti langgai da mosanggani ante ira. Tapi kana makava tempona boti langgai raala lako nte ira. Tempo haitumo pade mopuasa ira. Ivesia muni anaguruKu masusa rara bo mopuasa ane Yaku raala lako nte ira.”

Markus 2:19

Nesana i Yesus ante porapa. NiuliNa ivei: <

Matius 24:25

Toramo! Lave nipopaisaniKu mamimo ka komiu dopame majadi haitu pura-pura, jadi nee rabagiu!

2 Petrus 1:14

Apa nisanikumo domo masae yaku mamate, nangoseaka anu niuli nTuputa Yesus Kristus ka yaku.

Suro-Suro 9:16

Damo Yaku mboto manguli ka ia kasusa rakavana sabana nioseakana Yaku bo nipatolelena karebaKu.”

Matius 10:7

Koimo bo patolele ka ira ivei: ‘Naparamo tempona Alatala momparenta mpo Magau.’

Lukas 1:2

Nitulisira nangoseaka tesa nipatolele ka kita, haitumo tesa ntona nanggita kajadia haitu ante matara mboto lako ri pamulana.

2 Tesalonika 2:5

Sampesuvu-sampesuvu, natantu da nitoramiu yaku nompatuduki ka komiu pura-pura hitu tempo yaku da naria nosanggani-nggani ante komiu bara ipia.