Yohanes 16:18 - Kaili Ledo

¹⁸ Nosipekutana njuumo ira, “Nuapa patuju ntesaNa ‘Sampalaipa’? Ledo ntoto nisanita patuju ntesaNa haitu.”

Yohanes 16:18 Referans Kwoze

Lukas 24:25

Nangepe haitu, i Yesus nanguli ka ira, “Nadoyo mpuu komiu! Nakumba mpuu pekirimiu momparasaya anu nitesa nu nabi-nabi nggaulu!

Ibrani 5:12

Kakanana temponamo komiu majadi guru mompatuduki tona ntanina, sabana nasaemo komiu nomparasaya i Yesus. Tapi komiu da noparaluu guru mompatuduki ka komiu pepatuduki pamulana lako ri Tesa nu Alatala, komiu dopa nasadia nantarima pepatuduki kapolana. Komiu nasimbayu mpo ngana kodi da netomi, anu dopa nasadia mangande kandea nakaa!

Yohanes 16:17

Nangepe tesaNa haitu, nosipekutana anaguruNa, “Nuapa ntoto patujuNa nanguli ka kita sampalaipa domo rapeintata Ia, bo ledo masae kaliuna haitu, rapeintata vaimo Ia? Bo nuapa muni patuju ntesaNa nanguli Ia hau nte TuamaNa?”

Yohanes 16:19

Nisani i Yesus ira madota mompekutana Ia. Jadi niulikaNa ira ivei: “NikitaKu komiu nosipekutana nuapa patuju ntesaKu pangane tempo niuliKu ‘Sampalaipa domo rapeintamiu Yaku bo ledo masae kaliuna haitu, rapeintamiu vaimo Yaku’.