Yohanes 15:1 - Kaili Ledo

¹ I Yesus nompapola tesaNa, “Yakumo hii valaa anggur nakana, bo TuamaKu tupu ntalua anggur haitu.

Yohanes 15:1 Referans Kwoze

1 Korintus 3:9

Apa kami bo i Apolos nosampokarajaa ante Alatala, bo komiumo nirapaka talua nu Alatala. Komiu muni nirapaka banua nu Alatala.

Yohanes 6:55

Apa, isi karoKu haitumo kandea mpuu bo raaKu haitumo panginu mpuu.

1 Yohanes 2:8

Naupa ivesia, parenta haitu nireke parenta nabaru, bo kabaruna mpuu-mpuu nikita ri katuvu i Kristus bo ri katuvumiu. Apa i Kristus reme nakana lako nte Alatala bo reme haitu nevanta riara kalandana sampe kalandana nompamula nalipo.

Markus 12:1

I Yesus notesa ka ira ante nompake porapa ivei: <

Matius 21:33

I Yesus nompapola tesaNa ka pakeni-pakeni ntoYahudi. NiuliNa, “Epe porapa ntanina. Naria saito tupu ntalua nombatuda anggur ri taluana. Nivalana ntiku talua haitu bo nikaena lovu ri vatu rapompea vua anggur. Bo nipoviana sou pojaga ri talua haitu. Naupu haitu nibolina talua haitu nte bara sako-ndua topokarajaa mojampangina, damo rabagi aselena, bo hau ia ri ngata nakavao.

Yohanes 6:32

Nanguli i Yesus ka ira, “Pariaramo tesaKu, ledo i Musa bara ipia anu nombadekei kandea lako ri suruga ka komiu. Tapi TuamaKu anu mombadekei kandea mpuu lako ri suruga ka komiu.

Lukas 13:6

Naupu sia i Yesus notesa porapa hitu, ivei: “Naria sanggayu kayu ara nituda ntona ri taluana. Naria saeo, tupu ntalua hau nangelo vua kayu haitu, tapi ledo ria sangua vuana nikavana.

Matius 20:1

I Yesus nanguli, “Tempo Alatala momparenta mpo Magau bo mombabalasi pokainggu ntodeaNa bara maipia masimbayu eva porapa hitu: Naria saito tona notalua anggur. Nasadondo mpuu ia nesuvu lako ri banuana hau mangelo tona ragajina mokarajaa ri taluana.

Yohanes 1:9

Reme haitu reme nakana anu nakava ri dunia mompakareme pura-pura manusia.

Yohanes 1:17

Lako nte Nabi Musa nitarimata Atura-atura agama. Tapi lako nte i Yesus Kristus sampe mpuu-mpuu nisanita Alatala bo toveNa ka kita.

Matius 15:13

Nesana i Yesus, “Pura-pura tuda-tuda anu ledo nituda nTuamaKu anu naria ri suruga, kana rarebu ante kalena.

Yohanes 15:2

Tinggu-tingguKu anu ledo novua nikoto bo nitedakaNa. Tapi tinggu-tinggu novua nipegasaNa pakabelo-belo ala mantambai kadea vuana.

Roma 11:17

ToYahudi namala nirapaka kayu zaitun nipiara nu Alatala. Bo sanu tingguna nikotosi nu Alatala. Komiu tona ledo toYahudi anu nomparasaya i Yesus, nirapaka tinggu-tinggu lako ri kayu zaitun anu ledo nipiara. Tinggu-tinggu haitu niala nu Alatala bo nipatakaNa ri bela ntinggu nikotoNa pangane ala tinggu-tinggu nabaru haitu matuvu bo movua lako ri kayu nipiaraNa. Ivesiamo komiu nantarima belo lako nte Alatala, nasimbayu mpo belo nitarima ntoYahudi nggaulu.