Yohanes 14:30 - Kaili Ledo

³⁰ Domo madea tesa Kuuli ka komiu, sabana gantanamo Magau nu Seta makava. Ia nombakuasai tona nadaa ri dunia hitu tapi ia ledo nakuasa momparenta Yaku.

Yohanes 14:30 Referans Kwoze

1 Yohanes 5:19

Nisanita kita najadi ana-ana nu Alatala, bo nisanita tona ledo nomparasaya i Yesus nikuasai Magau nu Seta.

1 Yohanes 4:4

Sampesuvu-sampesuvu nipotoveku, komiumo ana-ana nu Alatala bo nidagimiumo nabi-nabi mpodava gahaitu, sabana Nosa Gasa nu Alatala anu riara ntaimiu nakuasapa pade Magau nu Seta anu nombakuasai pekiri ntona ledo nangoseaka dota nu Alatala.

Pompakita 12:9

Jadi ule naga haitu nipopalai lako ri suruga bo nitedaka hau ri dunia nosanggani-nggani ante malaeka-malaeka anu nantulungi ia. Ia haitumo Ule Ntua anu nosanga Topangadu atau Magau nu Seta, anu nombabagiu manusia ri njumangu dunia.

Yohanes 12:31

Sii-sii nakavamo tempona dosa nu manusia ri dunia ratangara. Sii-sii temponamo Magau nu Seta anu nakuasa ri dunia, radagi.

Efesus 6:12

Apa kita ledo nangeva manusia. Kita nangeva kuasa-kuasa bo pomarenta-pomarenta nadaa anu ledo nikita. Kita nangeva malaeka-malaeka nadaa anu nakuasa ri dunia hitu. Kita nangeva mpengaya-ngaya seta bo anu daa ri laerava.

1 Petrus 2:22

Ia ledo sanggania novia dosa, ledo sanggania Ia nodava.

Efesus 2:2

Komiu natuvu nangoseaka kabiasa-kabiasa nu manusia ri dunia hitu, haitumo komiu nangoseaka dota nu Magau Seta, pakeni nu kuasa-kuasa nadaa ri laerava. Iamo nombakuasai rara ntai ntona anu ledo natundu nte Alatala.

2 Korintus 4:4

Ira ledo nomparasaya sabana Magau nu Seta anu nombakuasai dunia hitu nompakaburo pekirira ala ledo rakitara reme nu Kareba Belo. Kareba Belo haitu nompakalanto kaoge i Kristus anu nasimbayu ntoto ante Alatala.

Ibrani 4:15

Ia Pakeni nTopanggeni Pesomba anu nangisani kalenteta, sabana Ia mboto nombarasai mpengaya pesori nasimbayu mpo kita, tapi Ia ledo novia dosa.

Lukas 22:53

Eo-eo Yaku naria nosanggani ante komiu ri Banua nu Alatala, tapi ledo nisakamiu Yaku. Damo bongina hitu pade nabia komiu nakava mombasaka Yaku. Hitumo logamiu, loga nu Magau Seta!”

Kolose 1:13

Iamo nombakabasaka kita lako ri kuasa nalanda bo nompajadi kita todeaNa ri Poparenta nu AnaNa nipotoveNa.

Ibrani 7:26

Jadi i Yesusmo Pakeni nTopanggeni Pesomba anu nompakule nombatulungi kita. Ia nagasa, ledo ntoto ria salaNa atau dosaNa. Ia nitaniaka lako ri tona nadosa, bo Ia nioretaka sampe ri ponturo nalangapa pade pura-pura anu naria ri langi, haitumo ri suruga.

2 Korintus 5:21

I Kristus ledo ntoto nadosa. Tapi Alatala nompoposimbuaka ka Ia dosata bo nipoviaNa Ia mpo tona nadosa ala manjambei kita. Alatala novia haitu ala kita anu nosangu rara nte i Kristus majadi manoa ri panggitaNa.

Lukas 1:35

Nesana malaeka, “Nosa Gasa makava nte iko, bo kuasa nu Alatala toNeliu KaogeNa, maria nte iko. Haitumo sabana ngana mupoanaka rakasangai Nagasa, Ana nu Alatala.

1 Petrus 1:19

tapi nibayariNa ante anu nelabi noali, haitumo raa i Kristus. I Kristus nireke mpo ana bimba nadoli bo ledo nasala nisambale manjambei komiu.

1 Yohanes 5:18

Nisanita ane tona najadi ana-ana nu Alatala, ira domo batena novia dosa, sabana i Yesus Ana nu Alatala nombajagai ira bo Magau nu Seta ledo nompakule mombadagi ira.