Yohanes 14:20 - Kaili Ledo

²⁰ Ane makavamo tempo haitu, rasanimiumo Yaku nosangu ante TuamaKu bo komiu muni nosangu ante Yaku, bo Yaku nosangu ante komiu.

Yohanes 14:20 Referans Kwoze

Yohanes 17:26

NipopaisaniKumo Komiu ka ira. Bo da Kupopaisani hanupa Komiu ka ira ala Ira mompotove tona ntanina nasimbayu mpo Komiu nompotove Yaku, bo ala Yaku mboto monturo riara ntaira.”

Galatia 2:20

Jadi namala rauli ivei: nau yaku natuvu, domo aga yaku saitoku natuvu, tapi i Kristus natuvu riara nggatuvuku. Bo ri katuvuku ri dunia hitu, yaku natuvu mpuu-mpuu nomparasaya Ana nu Alatala anu nompotove yaku bo nombadekei karoNa rapatesi manjambei yaku.

1 Yohanes 4:12

Dopa naria saitoa manusia nanggita Alatala. Tapi ane kita mosimpotove, haitumo tandana Alatala naria riara ntaita, bo toveNa ka kita mpuu-mpuu naria aselena riara nggatuvuta.

Yohanes 14:10

Dopa niparasayamu Yaku nasimbayu nte TuamaKu bo TuamaKu nasimbayu nte Yaku? Anu niuliKu ka komiu pura-pura, ledo tesaKu mboto tapi tesa lako nte TuamaKu anu nosangu rara nte Yaku. Iamo anu novia pura-pura pokarajaa haitu.

Roma 8:1

Jadi sii-sii domo ria pehuku rapambela ka tona nosangu rara ante i Yesus Kristus.

Yohanes 10:38

Tapi nipoviaKu pokarajaa haitu jadi kana raparasayamiumo Yaku. Nau ledo madota komiu momparasaya tesaKu, kana raparasayamiu sabana anu nipoviaKu. Ivesiamo rasanimiu mpuu-mpuu Yaku nosangu rara nte TuamaKu bo TuamaKu muni nosangu rara nte Yaku.”

2 Korintus 13:5

Sampesuvu-sampesuvu, paresa mbotomo karomiu ala rasanimiu bara mpuu-mpuu komiu nangoseaka i Kristus. Peinta mbotomo raramiu. Natantu rasanimiumo i Yesus Kristus naria riara ntaimiu! Ane i Kristus ledo naria riara ntaimiu, batuana komiu ledo mpuu-mpuu topangoseaka Ia.

Kolose 1:27

Apa dota nu Alatala ala rasani ntodeaNa kabelo bo kaoge niaNa ka pura-pura manusia. NiaNa haitumo: i Kristus natuvu riara ntaita, jadi nisanita kita mpuu-mpuu matuvu mabelo nte Alatala sampe ri kasae-saena.

Yohanes 16:26

Tempo haitu komiu mbotomo merapi nte TuamaKu sabana komiu nangoseaka Yaku. Ledo paraluu Kuperapi nuapa-nuapa lako nte TuamaKu ka komiu.

Kolose 2:9

Apa nau i Kristus najadi manusia, pura-pura inggu bo kuasa nu Alatala naria riara karoNa bo ledo nakura nuapa-nuapa.

Kolose 1:19

Dota nu Alatala mboto sampe pura-pura ingguNa bo kuasaNa naria muni nte AnaNa, bo ledo ria nakura.

Yohanes 6:56

Isema-sema mangande isi karoKu bo manginu raaKu, iamo maroo mosangu rara ante Yaku bo Yaku maroo mosangu rara ante ia.

2 Korintus 5:17

Ane tona nosangu rara ante i Kristus, ia najadi manusia nabaru. Katuvuna nggaulu naliumo bo katuvuna nabaru mpuu-mpuu nariamo.

Yohanes 17:11

Domo masae Yaku monturo ri dunia hitu. Yaku tou nte Komiu, tapi anaguruKu da monturo ri dunia hitu. O, Tata! Komiu nagasa! Jagaimo ira ante kuasaMiu, haitumo kuasa nidekeiMiu ka Yaku. Jagaimo ira ala ira mosangu rara nasimbayu mpo Yaku nosangu rara nte Komiu.

Yohanes 16:23

Tempo haitu, komiu domo mekutana nuapa-nuapa nte Yaku. Pariaramo tesaKu. Nuapa-nuapa raperapimiu lako nte TuamaKu sabana komiu nangoseaka Yaku, kana radekeiNa ka komiu.

Efesus 2:10

Kita hii nipajadi nu Alatala manusia nabaru anu nosangu rara nte i Yesus Kristus. Patuju nu Alatala novia ivehaitu ala kita mompakule mokainggu mabelo, mpo nipakatantuNa mami ka kita lako ri nggauluname.

1 Korintus 1:30

Lako nte Alatala sampe kita najadi nosangu rara ante i Yesus Kristus. Bo lako nte i Kristus sampe nisanita kapande nu Alatala. Ia nompoposinggabelo kita ante Alatala sampe kita najadi todea nagasa nipatani ka Alatala. Bo Iamo nombakabasaka kita lako ri pura-pura anu nadaa.

Yohanes 17:7

bo hitupa nisaniramo pura-pura anu naria nte Yaku, nopuna lako nte Komiu.

2 Korintus 12:2

Sapulu pata-mpae naliu, naria saito topangoseaka i Kristus niposisaniku anu niore hau ri ponturo nu Alatala ri suruga. Ledo nisaniku ane karona mpuu-mpuu neore atau aga anu nipopakita ka ia. Aga Alatala nangisanina.

2 Korintus 5:19

Jadi siimo kareba nipatolele kami: Alatala nompoposinggabelo mpanjili manusia nte Ia sabana anu nipovia i Kristus. Domo nirekeNa dosa-dosata. Bo niparasayaNa ka kami pokarajaa mompatolele TesaNa ka tona ntanina ala ira muni mamala mosinggabelo nte Ia.

Roma 16:7

Pakavote tabeku ka i Andronikus bo i Yunias, sampesuvuku toYahudi. Ira muni nitarunggu nosanggani-nggani ante yaku bara ipia. Pura-pura suro i Yesus nombabila ira. Dopame yaku nomparasaya i Yesus, lave nomparasayamo ira.

Yohanes 14:11

Parasayamo tesaKu hitu, Yaku mpuu-mpuu nosangu ante TuamaKu bo TuamaKu muni nosangu ante Yaku. Nau ledo niparasayamiu tesaKu, parasayamo sabana nikitamiumo kabaraka-kabaraka nipoviaKu.