Yohanes 14:18 - Kaili Ledo

¹⁸ Ledo Kupalaisi mpo ngana pailu komiu, apa Yaku manjili vai tumai nte komiu.

Yohanes 14:18 Referans Kwoze

Yohanes 14:3

Bo maupu Yaku hau mompakasadia ponturo ka komiu, Yaku kana manjili tumai mombatomunaka komiu ala ri umba Kuponturo, ri sia muni raponturomiu.

Matius 18:20

Apa ri umba-umba tona nasiromu sabana Yaku, nau aga randua atau tatalu, Yaku mboto naria hamai nosanggani-nggani ante ira.”

Yohanes 14:16

Bo Kuperapi nte TuamaKu ala radekeiNa ka komiu Topetulungi ntanina, anu maroo nte komiu sampe ri kasae-saena.

Matius 28:20

Patudukimo ira ala raoseakara pura-pura anu niparentaKu ka komiu. Bo toramo! Yaku bate-batena mosanggani-nggani ante komiu sampe ri kaupu dunia.”

Yohanes 16:33

Pura-pura tesaKu pangane nitesaKu ka komiu ala matinonto raramiu sabana komiu mosangu rara nte Yaku. Ri dunia hitu komiu rapandasa. Tapi pakaroso raramiu! Apa kuasa nadaa ri dunia hitu nidagiKumo!”

Ibrani 2:18

I Yesus mboto nombarasai kasusa bo kapari tempo nipesori, jadi Ia nompakule nombatulungi tona nipesori.

2 Tesalonika 2:16

Alatala nompotove kita, bo lako ri kabelo nu raraNa, Ia ledo naupu-upu nompakavoe rarata, bo nidekeiNa ka kita panjarumaka nabelo. Jadi kuperapi Tuputa Yesus Kristus bo Tuamata Alatala mompakavoe bo mompakaroso raramiu ala tesamiu bo pokainggumiu batena nabelo.

Yohanes 16:16

I Yesus nompapola tesaNa ka anaguruNa ivei: “Sampalaipa domo rapeintamiu Yaku. Ledo masae kaliuna haitu, rapeintamiu vaimo Yaku.”