Yohanes 14:16 - Kaili Ledo

¹⁶ Bo Kuperapi nte TuamaKu ala radekeiNa ka komiu Topetulungi ntanina, anu maroo nte komiu sampe ri kasae-saena.

Yohanes 14:16 Referans Kwoze

Yohanes 14:26

Tapi ane Nosa Gasa nu Alatala makava, rapatudukiNa ka komiu mpengaya-ngaya bo rapopatoraNa ka komiu pura-pura anu nitesaKu ka komiu. Apa Iamo Topetulungi anu ratudu nTuamaKu manjambei Yaku.

Yohanes 15:26

Kutudu Topetulungi lako nte TuamaKu tumai nte komiu, haitumo Nosa Gasa nu Alatala anu mompopaisani anu nakana. Tempo makava Ia, Iamo mompopaisani Yaku ka komiu.

Roma 15:13

Alatala mpuu-mpuu puna panjarumakata! Kuperapi Ia mompakadamba mpuu raramiu bo mombadekei ka komiu katuvua mabelo sabana komiu nomparasaya Ia. Kuperapi panjarumakamiu nte Ia mantambai maroso ante kuasa lako ri Nosa GasaNa.

Galatia 5:22

Tapi ane tona nikeniaka Nosa Gasa nu Alatala, iveimo inggura: ira nosimpotove, ira nadamba bo natinonto rarara. Ira nosabara, nalusu bo nabelo rarara nte tona ntanina. Ira namala raparasaya,

Roma 14:17

Apa anu nopoko riara Poparenta nu Alatala, ledo anu nikandeta atau niinuta. Anu nopoko, kita manoa rarata, bo matuvu mosinggabelo ante roata, bo madamba rarata sabana Nosa Gasa nu Alatala naria riara ntaita.

Suro-Suro 9:31

Jadi todea topangoseaka i Yesus ri njumangu bagia Yudea, Galilea bo Samaria domo nipandasa. Kasae-sae kadea-dea tona nomparasaya i Yesus, bo todea topomparasaya nantambai karoso pomparasayara sabana ira natundu nte Alatala, bo sabana Nosa Gasa nantulungi ira.

1 Yohanes 2:1

Sampesuvu-sampesuvu nipotoveku, patujuku notulisi sura hitu ka komiu ala nee rapoviamiu dosa. Tapi ane maria tona movia dosa, naria saito topombasaliku, Iamo i Yesus Kristus anu nanoa. Iamo mombasaliku kita ri ngayo nTuamaNa Alatala.

Yohanes 4:14

Tapi isema-sema manginu uve Kudekei ka ia, domo mabai tambolona sampe ri kasae-saena. Sabana uve Kudekei ka ia haitu majadi uve mpemata moili lako riara ntaina bo nombadekei katuvua mabelo ka ia sampe ri kasae-saena.”

Matius 28:20

Patudukimo ira ala raoseakara pura-pura anu niparentaKu ka komiu. Bo toramo! Yaku bate-batena mosanggani-nggani ante komiu sampe ri kaupu dunia.”

Filipi 2:1

Jadi sampesuvu-sampesuvu, nisaniku narosomo pomparasayamiu sabana komiu nosangu rara ante i Kristus. Raramiu nipakavoe sabana komiu nipotoveNa. Komiu nasintuvu ante Nosa Gasa nu Alatala bo komiu muni nosimpotove bo nosipoasi mata.

Roma 5:5

Ane kita manjarumaka Alatala, ledo masoa bukuta. Nisanita Ia mpuu-mpuu mompakadupa pura-pura pojanjiNa, sabana nirasaita tove nu Alatala riara ntaita lako ri pokarajaa nu Nosa Gasa anu nidekei nu Alatala ka kita.

Suro-Suro 13:52

Topangoseaka i Yesus ri ngata Antiokhia nadamba mpuu rarara, bo ira nikeniaka nu Nosa Gasa nu Alatala.

Yohanes 17:15

Ledo Kuperapi Komiu mangala ira lako ri dunia hitu. Tapi Kuperapi ala Komiu mojagai ira lako ri Magau nu Seta.

Yohanes 14:18

Ledo Kupalaisi mpo ngana pailu komiu, apa Yaku manjili vai tumai nte komiu.

Ibrani 7:25

Jadi haitumo sampe Ia nompakule nompakasalama sampe ri kasae-saena tona nikeniNa natundu nte Alatala. Apa i Yesus batena natuvu nombasaliku ira ri ngayo nu Alatala.

Roma 8:34

Isema mabia mompakasala kita? Ledo ntoto ria, sabana i Kristus namate mantolosi dosata. Bo ledo aga haitu, Ia nipakatuvu mpanjili bo nonturo ri panggana nu Alatala ri suruga, bo Iamo nanjaliku kita ri ngayo nu Alatala.

Yohanes 14:14

Nuapa-nuapa raperapimiu sabana komiu topangoseaka Yaku, kana Kupovia ka komiu.”

Yohanes 17:20

“Ledo aga anaguruKu hitu Kuposambayaka, tapi Kuposambayaka muni pura-pura tona anu majadi topomparasaya Yaku bara maipia sabana raepera tesa-tesa rapatolele nu anaguruKu hitu.

Yohanes 16:22

Ivesia muni ante komiu. Sii-sii nasusamo raramiu. Tapi Yaku mosinggava vai nte komiu bo tempo haitu komiu madamba mpanjili. Bo ledo maria saitoa tona mamala mompakalipo kadamba nu raramiu haitu.

2 Tesalonika 2:16

Alatala nompotove kita, bo lako ri kabelo nu raraNa, Ia ledo naupu-upu nompakavoe rarata, bo nidekeiNa ka kita panjarumaka nabelo. Jadi kuperapi Tuputa Yesus Kristus bo Tuamata Alatala mompakavoe bo mompakaroso raramiu ala tesamiu bo pokainggumiu batena nabelo.

Yohanes 7:39

Uve nipatuju i Yesus, haitumo Nosa Gasa nu Alatala anu radekei ka tona nomparasaya Ia. Tempo haitu, Nosa Gasa dopa nidekei ka topomparasaya sabana i Yesus dopa neore hau ri suruga bo nipakaoge nu Alatala.

Suro-Suro 1:4

Naria saeo i Yesus nasiromu nte ira, niulikaNa ira, “Neepa ruru malai lako ri ngata Yerusalem. Popeamo sampe TuamaKu Alatala mompopanau Nosa Gasa nipejanjikaNa, evamo niuliKu muni ka komiu bara ipia.

1 Yohanes 2:27

Tapi kakanana domo paraluu tona ntanina mompatuduki komiu, sabana nitarimamiumo Nosa Gasa anu nipopanau i Kristus. Bo Nosa Gasa haitumo naroo riara ntaimiu bo nompatuduki ka komiu pura-pura anu paraluu rasanimiu. PepatudukiNa haitu nakana pura, ledo naria dava. Sabana haitu, komiu kana maroo matuvu mosangu rara nte i Kristus nangoseaka anu nipatuduki Nosa Gasa ka komiu.

2 Yohanes 1:2

Kami nompotove komiu sabana komiu nosanggani-nggani nte kami nomparasaya pepatuduki nakana, anu naria riara ntaita sampe ri kasae-saena.