Yohanes 14:13 - Kaili Ledo

¹³ Bo nuapa-nuapa raperapimiu sabana komiu topangoseaka Yaku, kana Kupovia ka komiu, ala rakita ntona kaoge nTuamaKu.

Yohanes 14:13 Referans Kwoze

Yohanes 15:7

Ane komiu maroo mosangu rara nte Yaku bo tesaKu maroo riara ntaimiu, perapimo nuapa-nuapa nipokonomiu bo radekei ka komiu.

Markus 11:24

Jadi Kuuli ka komiu, nuapa-nuapa raperapimiu riara posambayamiu, parasayamo pomperapimiu haitu nipoiyo nu Alatalamo, bo ratarimamiu mpuu.

Matius 21:22

Ane komiu momparasaya Alatala, nuapa-nuapa raperapimiu riara mposambayamiu majadi mpuu.”

Matius 7:7

“Perapimo nte Alatala bo radekeiNa ka komiu. Elomo bo rakavamiu. Tanedemo vamba bo vamba raunggeNa ka komiu.

1 Yohanes 5:14

Ledo nakaja rarata nosambaya ka Alatala, apa nisanita Ia mompetalingai perapita, asaa perapita nangoseaka dotaNa.

Yohanes 16:23

Tempo haitu, komiu domo mekutana nuapa-nuapa nte Yaku. Pariaramo tesaKu. Nuapa-nuapa raperapimiu lako nte TuamaKu sabana komiu nangoseaka Yaku, kana radekeiNa ka komiu.

1 Yohanes 3:22

Bo nuapa-nuapa raperapita nte Ia, natantu radekeiNa ka kita, sabana kita nanturusi parenta-parentaNa bo pokaingguta nompakadamba raraNa.

Yohanes 15:16

Ledo komiu nompelisi Yaku, tapi Yaku nompelisi komiu bo nombatudu komiu hau movua madea, haitumo vua anu ledo maupu-upu. Ane komiu movua ivesia, nuapa-nuapa raperapimiu lako nte TuamaKu sabana komiu topangoseaka Yaku, kana radekeiNa ka komiu.

Yohanes 14:14

Nuapa-nuapa raperapimiu sabana komiu topangoseaka Yaku, kana Kupovia ka komiu.”

Yakobus 5:16

Haitumo sabana komiu kana mangaku salamiu, bo mosiposambayaka, ala duamiu rapakabelo. Posambaya ntona nanoa nabisa mpuu.

Filipi 4:13

Nipakuleku nantingayo nuapa-nuapa ante petulungi i Yesus Kristus anu nompakaroso yaku.

Yakobus 1:5

Ane makura noto pompekirimiu, perapimo lako nte Alatala. Bo radekeiNa pompekiri nanoto niperapimiu, sabana najoi raraNa nombadekei noto ka pura-pura tona. Ledo ntoto natove raraNa.

Efesus 3:12

Kita nomparasaya i Kristus bo kita nosangu rara ante Ia, jadi domo makaja rarata mosinggava nte Alatala riara posambayata, bo nisanita ratarimaNa.

Yohanes 16:26

Tempo haitu komiu mbotomo merapi nte TuamaKu sabana komiu nangoseaka Yaku. Ledo paraluu Kuperapi nuapa-nuapa lako nte TuamaKu ka komiu.

Yohanes 10:30

Yaku bo TuamaKu ledo ria posisalana, aga saito.”

Efesus 2:18

Jadi, kita pura-pura, toYahudi bo tona ledo toYahudi, namala mosinggava nte Tuamata Alatala riara posambayata sabana anu nipovia i Kristus. Kita mamala mosinggava nte Ia ante petulungi Nosa GasaNa sangu.

Kolose 3:17

Bo nuapa-nuapa rapoviata bara raulita, rapoviata bo raulita muni anu masipato ka topomparasaya i Pue Yesus. Bo raulita munimo tarima kasi ka Tuamata Alatala sabana anu nipovia i Yesus ka kita.

Yohanes 7:37

Ri eo kaupuna, eo matana posusa haitu, i Yesus neangga ri doyata Banua nu Alatala bo notesa ante suara namangga, “Isema-sema nabai tambolona, kamaimo nte Yaku bo manginu.

Ibrani 7:25

Jadi haitumo sampe Ia nompakule nompakasalama sampe ri kasae-saena tona nikeniNa natundu nte Alatala. Apa i Yesus batena natuvu nombasaliku ira ri ngayo nu Alatala.

Yohanes 14:6

Nesana i Yesus, “Yakumo hii dala, Yakumo nompopaisani anu nakana bo Yakumo nombadekei katuvua nabelo. Ledo ria saitoa mamala makava ri ngayo nTuamaKu ane ledo ante Yaku.

Yohanes 12:44

Bo i Yesus nanguli nte suara namangga ri tatanga ntodea, “Isema-sema nomparasaya Yaku, ledo aga nomparasaya Yaku tapi niparasayana muni Alatala anu nantudu Yaku.

Lukas 11:9

Jadi, Kuuli ka komiu, perapimo nte Alatala bo radekeiNa ka komiu. Elomo, bo rakavamiu. Tanedemo vamba bo vamba raunggeNa ka komiu.

1 Petrus 2:5

Komiu muni nasimbayu mpo vatu-vatu natuvu, jadi dekei Alatala mompake komiu majadi banua petupu ka Ia. Bo riara banua petupu haitu komiu majadi mpo topanggeni pesomba, anu natuvu nipatani ka Alatala. Bo komiu namala metupu nte Ia ante pekeniaka Nosa Gasa. Petupumiu haitu najadi pesomba anu rapokonoa rara nu Alatala sabana anu nipovia i Yesus Kristus.

Yohanes 5:19

Jadi nanguli i Yesus ka pakeni ntoYahudi haitu, “Pariaramo tesaKu hitu. Yaku ledo mamala movia nuapa-nuapa nangoseaka dotaKu mboto, tapi anu nikitaKu lako nte TuamaKu, haitumo nipoviaKu. Nuapa-nuapa nipovia nTuamaKu, haitu muni Kupovia.

Ibrani 13:15

Jadi ante petulungi i Yesus, kita kana masaro manggeni pesombata ka Alatala. Kita kana mombatoiya Ia bo manguli tarima kasi ka Ia, apa haitumo nireke pesombata.

Ibrani 4:15

Ia Pakeni nTopanggeni Pesomba anu nangisani kalenteta, sabana Ia mboto nombarasai mpengaya pesori nasimbayu mpo kita, tapi Ia ledo novia dosa.

Efesus 3:14

Jadi, [ane yaku nantora kanoto nu Alatala bo niaNa lako ri lamba pamulana], yaku nantaputu nosambaya ri ngayo nTuamata Alatala.

Yohanes 4:14

Tapi isema-sema manginu uve Kudekei ka ia, domo mabai tambolona sampe ri kasae-saena. Sabana uve Kudekei ka ia haitu majadi uve mpemata moili lako riara ntaina bo nombadekei katuvua mabelo ka ia sampe ri kasae-saena.”

Yohanes 4:10

Nesanamo i Yesus, “Ane musani anu nidekei nu Alatala bo ane musani isema Yaku anu nerapi uve inu lako nte iko, natantu muperapi muni lako nte Yaku bo Kudekei ka iko uve anu nombadekei katuvua mabelo.”

Yohanes 16:7

Tapi tesaKu hitu nakana: nabelopa ka komiu ane malai Yaku. Apa ane ledo hau Yaku, Topetulungi ledo makava tumai nte komiu. Tapi ane hau Yaku, Kutudu Ia tumai nte komiu.

Yohanes 13:31

Nalaipa i Yudas, nangulimo i Yesus ka anaguruNa, “Sii-sii rakita ntonamo kaogeKu, Ana nu Manusia. Bo lako ri anu majadi ri karoKu ngena, rakita ntonamo kaoge nu Alatala.

1 Korintus 14:13

Haitumo sampe niuliku ka komiu: isema-sema nompake basa-basa nopuna lako nte Nosa Gasa kana mosambaya bo merapi ala ia radekeika pompakule mombabatuasi tesa-tesa haitu ala rasani nu roa batua ntesana.