Yohanes 14:12 - Kaili Ledo

¹² Pariaramo tesaKu hitu, isema-sema nomparasaya Yaku, mamala movia anu nipoviaKu. Bo ledo aga haitu, madeapa vai rapoviana pade anu nipoviaKu, sabana Yaku hau manjili nte TuamaKu.

Yohanes 14:12 Referans Kwoze

Matius 21:21

Nesana i Yesus, “Pariaramo tesaKu hitu. Ane komiu momparasaya, bo ledo molengga-lengga raramiu, komiu muni mamala movia anu nipoviaKu ka kayu haitu. Bo ledo aga ivesia, komiu mamala mangulika bulu hitu, ‘Kateunggatakamo! Katedaka rantasi!’, bo majadi mpuu.

Markus 16:17

Tona nomparasaya radekeika kuasa movia kabaraka-kabaraka, evamo mompopalai seta-seta ante kuasaKu. Ira motesa ante basa-basa anu ledo nipegurura.

Suro-Suro 16:18

Bara sako-eo kasaena mombine haitu ledo naupu-upu nongare ivesia. Kaupuna domo nosabara i Paulus nangepe mombine haitu, jadi neili ntaliku ia bo nanguli ka seta anu nombakuasai mombine haitu, “Ante kuasa i Yesus Kristus, kutudu iko palaimo lako ri mombine tutu!” Naupu sia, seta haitu nalai mpuumo lako ri mombine haitu.

Suro-Suro 9:34

Nanguli i Petrus ka ia, “Eneas, i Yesus Kristus mompakabelo iko. Pembangumo, pasiayumo paturumu.” Naupu haitu kaliu-liu nabelomo i Eneas bo nembangu mpuumo ia.

Suro-Suro 19:12

Ane pasapu bara buya nariamo nipake i Paulus bo rakeni ka tona nadua, nabelomo ira, bo seta-seta nalai munimo.

Suro-Suro 9:40

I Petrus nantudu ira mesuvu pura, pade nantaputu ia nosambaya. Naupu haitu, nitingayona mboa i Tabita bo nanguli, “Tabita, pembangumo!” Naupu i Petrus nanguli ivesia, nibula i Tabitamo matana. Nikitanapa i Petrus, nembangumo ia bo nonturo.

Suro-Suro 8:7

Apa nadea seta nipopalaina lako nte tona. Seta-seta haitu nesuvu bo nongare-ngare. Nadea muni tona nakoyo, tona nakejo, bo tona napunggu nipakabelona.

Suro-Suro 5:15

Nanggita kabaraka-kabaraka nipovia nu suro-suro, nadea tona nadua nikeni ante paturu bara ante ompa bo nituu ri dala. Apa nisarumakara ane moliu i Petrus ngena, nau aga vayona mambela sakide, mabelomo ira.

Suro-Suro 2:41

Naupu nangepe tesa i Petrus, nantambaimo kadea ntona nomparasaya i Yesus, bo ira nidiu, tandana ira topangoseaka Ia. Bo ri eo haitu tona nomparasaya i Yesus natetambai talu-njobu kadeana.

Suro-Suro 4:4

Tapi topangepe pepatuduki nu suro-suro pangane, nadeamo nomparasaya i Yesus. Jadi kadea ntopomparasaya i Yesus nantambai sampe nitasere lima-njobu tonana.

Yohanes 16:7

Tapi tesaKu hitu nakana: nabelopa ka komiu ane malai Yaku. Apa ane ledo hau Yaku, Topetulungi ledo makava tumai nte komiu. Tapi ane hau Yaku, Kutudu Ia tumai nte komiu.

Suro-Suro 2:33

Ia nianggataka nu Alatala bo nipoponturo ri ponturo nibila ri sabingga nggana nu Alatala ri suruga. Bo nitarimaNa Nosa Gasa nijanji nTuamaNa, Alatala. Jadi sampesuvu-sampesuvu, pangane nikitamiu bo niepemiu kami notesa nte mpengaya basa. Haitu najadi sabana kuasa Nosa Gasa anu nipopanau i Yesus ka kami.

Yohanes 7:39

Uve nipatuju i Yesus, haitumo Nosa Gasa nu Alatala anu radekei ka tona nomparasaya Ia. Tempo haitu, Nosa Gasa dopa nidekei ka topomparasaya sabana i Yesus dopa neore hau ri suruga bo nipakaoge nu Alatala.

Yohanes 7:33

Tempo haitu, i Yesus nanguli ka todea, “Sampalaipa Yaku mosanggani-nggani ante komiu pade hau manjili nte Ia anu nantudu Yaku.

Roma 15:19

bo sabana kabaraka-kabaraka bo tanda-tanda nipokumaaka nipoviaku ante kuasa Nosa Gasa. Lako ri ngata Yerusalem sampe ri tana Ilirikum, nipatoleleku pura-pura Kareba Belo i Yesus Kristus ka tona.

Suro-Suro 6:7

Ivesiamo kareba nu Alatala nipatolele njuu bo kadea ntopomparasaya i Yesus ri ngata Yerusalem nantambai mpuumo. Bo nadea muni topanggeni pesomba nangoseaka i Yesus.

Suro-Suro 4:16

“Nuapa rapoviata ka tona randua haitu? Nisani ntoponturo ri ngata Yerusalem pura kabaraka nipokumaaka nipoviara. Ledo mamala rapoarata kajadia haitu.

Yohanes 14:28

Toramo anu niuliKu pangane, Yaku malai, tapi manjili vai tumai nte komiu. Ane mpuu-mpuu komiu mompotove Yaku, madamba mpuu raramiu sabana Yaku hau manjili nte TuamaKu, anu naogepa pade Yaku.

Suro-Suro 10:46

Nisanira tona haitu nikuasai Nosa Gasa sabana niepera ira notesa ante basa-basa nidekei nu Nosa Gasa ka ira bo nantoiya kaoge nu Alatala. Jadi i Petrus nanguli ka roana,

Suro-Suro 4:33

Suro-suro ledo naupu-upu nompatolele kareba i Pue Yesus natuvu mpanjili, bo naroso mpuu tesara. Bo Alatala nabelo mpuu nte ira pura-pura.

Markus 11:13

Da nggavaona nikitaNamo sanggayu kayu ara nagumbu tavana. Jadi haumo Ia nanggaparai kayu haitu mompeintaka bara maria vuana. Nakava hamai, aga tavana bayangi nikitaNa. Nau sangu vuana ledo ria nikavaNa apa dopa tempo mpovuana.

Yohanes 4:37

Nakana mpuu tesa anu nanguli, ‘Tosaitona notuda, tona ntanina nokato.’

Yohanes 5:20

Sabana, TuamaKu nompotove Yaku, AnaNa, bo nipopakitaNa ka Yaku pura-pura anu nipoviaNa. Bo rapopakitaNa tanda-tanda nelabipa kabarakana pade anu nipoviaKu pangane ala rapokumaakamiu.