Yohanes 13:9 - Kaili Ledo

⁹ Nangepe haitu, nanguli i Simon Petrus, “Ane ivesia, Pue, nee aga kadaku ratoposiMiu tapi paleku bo balenggaku muni.”

Yohanes 13:9 Referans Kwoze

1 Petrus 3:21

Uve oge haitu nirapaka ada pediu anu nompakasalama kita sii-sii. Ada pediu haitu ledo ada pompegasa tapa lako ri karota, tapi tandana kita topangoseaka i Yesus. Ada haitu nireke pojanjita nte Alatala ala kita mangoseaka Ia sabana niampungiNa dosata. Bo niampungiNa mpuu dosata sabana i Yesus natuvu mpanjili lako ri kamateNa.

Ibrani 10:22

Jadi kita kana metupu nte Alatala ante rarata naliangu bo pomparasayata ledo nolengga-lengga. Apa rara ntaita nipakagasamo ante raa i Kristus, jadi nisanita domo ria salata. Kita nidiu ante uve gasa, tandana kita nipakagasaNamo.

Matius 27:24

Kaupuna nalantomo ka i Pilatus ledo ria gunana mompapola motesa ka ira, sabana ira aga nantambai nongare-ngare, sakidepa majadi kagado. Jadi nialana uve, nitoposina palena ri ngayo ntodea, bo niulina ka ira, “Yaku ledo manjimbuaka sala lako ri kamate ntona nanoa hitu. Komiumo manjimbuakana.”

Yohanes 13:8

Tapi nanguli vaimo i Petrus ka i Yesus, “Nee, Pue! Nee mpuu ratoposiMiu kadaku!” Nesanamo i Yesus, “Ane ledo Kutoposi kadamu, iko ledo mpuu anaguruKu.”

Yohanes 13:10

Tapi nanguli i Yesus ka ia, “Tona naupu nandiu nagasa njumanggaromo, domo paraluu radiu. Aga kadana kana ratoposi pakagasa. Komiu nagasamo, aga saito ledo nagasa.”