Yohanes 13:4 - Kaili Ledo

⁴ Jadi neanggamo Ia nombavonju baju ndoeNa, bo nialaNa handu nipoukaNa kopeNa.

Yohanes 13:4 Referans Kwoze

2 Korintus 8:9

Ledo paraluu kuparenta komiu apa nisanimiu mboto kambaso pepotove nTuputa i Yesus Kristus ka kita. Naupa Ia mpuu-mpuu nakalumana, nikabasakaNa pura-pura kakalumanaNa haitu ala mantulungi kita. Ia najadi manusia napakasi ala kita mamala majadi nakalumana ri panggita nTupu.

Lukas 22:27

Isema naogepa, tona nonturo nangande, atau tona nosondu ka ia? Natantu naogepa toponturo. Tapi Yaku Tupumiu, naria ri tatangamiu najadi toposondu ka komiu. Jadi ledo masipato komiu masesa mompekirika isema naogepa!

Lukas 12:37

Nabelo mpuu batua haitu ane manjili madikara bo rakavana ira da nemata! Pariaramo! Madika haitu mompasua baju pokarajaa bo ratuduna ira monturo, bo ia mboto mombasondu kandea ka ira!

Lukas 17:7

“Rapana, saito lako nte komiu maria batuana nopajeko, bara nompoevu bimba ranggarava. Tempo batua haitu manjili lako ranggarava, natantu ledo raulimiu ka ia, ‘Kamai masalisa mangande!’

Lukas 17:8

Ledo ivesia. Natantu aga raulimiu ka ia, ‘Koi pasadia kandeaku. Pasuamo baju nagasa bo sondumo kandeaku. Maupu yaku mangande bo manginu pade iko.’

Yohanes 13:12

Naupu i Yesus notoposi kadara, nipasuaNa mpanjili baju ndoeNa, bo nonturo mpanjili Ia pade nipekutanaNamo ana-anaguruNa, “Nisanimiu batuana anu dako nipoviaKu ka komiu pangane?

1 Yohanes 3:11

Iveimo kareba niepemiu lako ri pantepuuna pomparasayamiu i Kristus: kita kana mosimpotove.