Yohanes 13:33 - Kaili Ledo

³³ Ana-anaKu, domo masae Yaku mosanggani-nggani ante komiu. Raelomiu Yaku ngena, tapi ledo rakavamiu. Haitu niuliKu ka pakeni-pakeni ntoYahudi bara ipia, ivesia muni Kuuli ka komiu: ri umba Kukalau komiu ledo mamala metuntuni.

Yohanes 13:33 Referans Kwoze

1 Yohanes 2:1

Sampesuvu-sampesuvu nipotoveku, patujuku notulisi sura hitu ka komiu ala nee rapoviamiu dosa. Tapi ane maria tona movia dosa, naria saito topombasaliku, Iamo i Yesus Kristus anu nanoa. Iamo mombasaliku kita ri ngayo nTuamaNa Alatala.

Yohanes 14:19

Damo sampalai rakita ntona Yaku ri dunia hitu. Tapi komiu da rakitamiu Yaku. Bo komiu matuvu mabelo sabana Yaku matuvu mpanjili.

1 Yohanes 5:21

Sampesuvu-sampesuvu nipotoveku. Jagaimo, nee metupu nte tupu-tupu anu ledo nakana. Tabe lako nte yaku, Yohanes

1 Yohanes 4:4

Sampesuvu-sampesuvu nipotoveku, komiumo ana-ana nu Alatala bo nidagimiumo nabi-nabi mpodava gahaitu, sabana Nosa Gasa nu Alatala anu riara ntaimiu nakuasapa pade Magau nu Seta anu nombakuasai pekiri ntona ledo nangoseaka dota nu Alatala.

Galatia 4:19

Yaku mpuu-mpuu nompotove komiu! Komiu mpo anaku mboto! Yaku nandasa nompekirika komiu, nasimbayu mpo mombine nandasa mpuu tempo noana. Bo yaku batena masusa ivesia sampe inggu-inggu i Kristus mpuu-mpuu malanto rakita riara nggatuvumiu.

Yohanes 7:36

Nuapa muni batuana tesaNa nanguli kita mangelo Ia tapi ledo rakavata Ia, bo ledo mamala kita hau ri ponturo rakalauNa?”

Yohanes 13:36

Bo nekutanamo i Petrus, “Pue, hau ri umba Komiu?” Nesana i Yesus, “Ri umba Kukalau, iko dopa mamala metuntuni. Bara maipiapa pade mutuntuni Yaku.”

Yohanes 14:2

Ri banua nTuamaKu naloga ponturo. Yaku hau mompakasadia ponturo ka komiu. Ane ledo ivesia, natantumo Kuuli ka komiu.