Yohanes 13:29 - Kaili Ledo

²⁹ Naria sanu nompekiri i Yesus nombatudu i Yudas hau mangali bara nuapa-nuapa rapakera riara posusa haitu, bara mombadekei doi ka tona napakasi, apa i Yudas topomboliaka doira.

Yohanes 13:29 Referans Kwoze

Efesus 4:28

Topangangga kana menonto mangangga. Ira kana mokarajaa ante palera mboto mompaelo katuvura ala mamala ira mantulungi tona ntanina napepa.

Galatia 2:10

Aga sangaya niperapira, haitumo ala kami ledo menonto mantulungi tona napakasi. Bo haitumo bago nipooge raraku bo nipoviaku mpuu-mpuu.

Yohanes 13:1

Tempo haitu naparamo Eo Mbaso Paskah. Bo nisani i Yesus naparamo gantana rapalaisiNa dunia hitu bo manjili hau nte TuamaNa. Ia mpuu-mpuu nompotove ira anu najadi todeaNa ri dunia bo nipotoveNa sampe ri kaupuna.

Yohanes 13:28

Ledo ria saitoa ira sampangande haitu nangisani patuju i Yesus notesa ivehaitu ka i Yudas.