Yohanes 13:1 - Kaili Ledo

¹ Tempo haitu naparamo Eo Mbaso Paskah. Bo nisani i Yesus naparamo gantana rapalaisiNa dunia hitu bo manjili hau nte TuamaNa. Ia mpuu-mpuu nompotove ira anu najadi todeaNa ri dunia bo nipotoveNa sampe ri kaupuna.

Yohanes 13:1 Referans Kwoze

Yohanes 12:23

I Yesus notesa kamateNa ka ira. NiuliNa, “Nakavamo tempona Alatala mompopakita kaoge Ana nu Manusia, haitumo kaogeKu.

1 Yohanes 4:19

Kita nepotove sabana Alatala nokolu nompotove kita.

Yohanes 13:34

Naria parenta nabaru Kudekei ka komiu ivei: Komiu kana mosimpotove. Yaku nompotove komiu, ivesia muni komiu kana mosimpotove.

Yohanes 16:28

Yaku nakava lako nte TuamaKu tumai ri dunia hitu. Hitupa Kupalaisi dunia hitu bo manjili hau nte TuamaKu.”

Yohanes 13:3

Nisani i Yesus TuamaNa Alatala nombadekei pura-pura kuasa ka Ia. Bo nisaniNa muni Ia nakava lako nte Alatala bo Ia manjili hau nte Alatala.

Yohanes 18:4

Nisani i Yesus puramo anu majadi ri karoNa. Haitu sampe Ia hau nanggaparai tona dea haitu bo nekutana, “Isema nielomiu?”

1 Korintus 1:8

Alatala mompakaroso komiu sampe ri kaupuna ala tempo Tuputa Yesus Kristus makava mpanjili ri dunia, ledo maria salamiu rakavaNa.

Yohanes 17:16

Ira ledo nosangu pekiri ante tona ledo nomparasaya, nasimbayu mpo Yaku muni ledo nosangu pekiri ante tona haitu.

Yohanes 17:1

Naupu i Yesus notesa ivesia, nitingoaNamo langi bo niuliNa ivei: “Tata, nakavamo tempona! Popaisanimo kuasa bo kaogeKu ka tona ala Yaku, AnaMiu, mamala mompopaisani kuasa bo kaogeMiu.

Pompakita 1:5

bo lako nte i Yesus Kristus. Iamo sabi anu namala raparasaya, Iamo tona paratama nipakatuvu mpanjili lako ri kamateNa. Iamo nomparenta pura-pura magau riara dunia. Ia nompotove kita bo nombakabasaka kita lako ri dosata ante raa kamateNa.

Ibrani 3:14

Apa kita manggava bagia lako ri pura-pura anu naria nte i Kristus asaa anu niparasayata lako ri pamulana bate-batena raparasayata sampe ri kaupuna bo ledo molengga-lengga.

Yohanes 17:5

Tata, hitupa dekeimo kuasa bo kaoge ka Yaku ri situ nte Komiu, haitumo kuasa bo kaoge anu naria nte Yaku tempo Yaku nosanggani-nggani nte Komiu dopame dunia nipajadi.”

Matius 26:45

Naupu nosambaya, nanjili vai Ia hau nte anaguruNa bo nanguli, “Berimba komiu? Da namonjo bo da nangosanakapa komiu? Epemo! Nakavamo gantana Yaku, Ana nu Manusia, rapobalu ka tona nadosa.

1 Petrus 1:13

Sampesuvu-sampesuvu, naria mamimo panjarumakata naroso. Sabana haitu, komiu kana mompakanoto raramiu bo mainga, bo maroo manjarumaka belo radekei ka komiu tempo i Yesus Kristus makava mpanjili.

Ibrani 6:11

Dota kami, ala komiu pura-pura mompasimbuku mokainggu ivehaitu sampe ri kaupuna ala komiu mpuu-mpuu manggava pura-pura anu nisarumakamiu lako nte Alatala.

Ibrani 3:6

Tapi i Kristus ledo aga potudua, Ia Ana nu Alatala mami anu natutu nompasiayu pura-pura todea nTuamaNa. Bo kitamo nireke todea nu Alatala asaa kita naroo nomparasaya bo ledo nolengga-lengga nanjarumaka i Yesus ante damba rara sampe ri kaupuna.

Roma 8:37

Tapi nau bara nuapa-nuapa majadi nte kita, kita mpuu-mpuu padagi ante petulungi i Kristus anu nompotove kita!

Yohanes 17:26

NipopaisaniKumo Komiu ka ira. Bo da Kupopaisani hanupa Komiu ka ira ala Ira mompotove tona ntanina nasimbayu mpo Komiu nompotove Yaku, bo ala Yaku mboto monturo riara ntaira.”

Yohanes 14:28

Toramo anu niuliKu pangane, Yaku malai, tapi manjili vai tumai nte komiu. Ane mpuu-mpuu komiu mompotove Yaku, madamba mpuu raramiu sabana Yaku hau manjili nte TuamaKu, anu naogepa pade Yaku.

Yohanes 11:55

Tempo haitu naparamo eo mbaso agama Yahudi anu niuli Eo Mbaso Paskah. Jadi nadeamo tona lako ri ngata-ngata ntoYahudi nantende hau ri ngata Yerusalem ala mantuntuni ada pompakagasa karora dopame rapamula Eo Mbaso Paskah.

Yohanes 7:30

Nangepe haitu, nipasimbukura mombasaka Ia. Tapi ledo ria saitoa nompakule nombasakaNa sabana dopa nakava tempona nipakatantu nu Alatala.

Yohanes 7:6

Nesanamo i Yesus, “Dopa tempona Kupopakita karoKu. Ane komiu, ledo nompetempo ane maria loga hau,

Yohanes 6:4

Tempo haitu naparamo Eo Mbaso Paskah ntoYahudi.

Lukas 22:53

Eo-eo Yaku naria nosanggani ante komiu ri Banua nu Alatala, tapi ledo nisakamiu Yaku. Damo bongina hitu pade nabia komiu nakava mombasaka Yaku. Hitumo logamiu, loga nu Magau Seta!”

Lukas 9:51

Naparamo tempona i Yesus meore hau ri suruga, nipakatantuNamo Ia kana hau ri ngata Yerusalem.

Matius 28:20

Patudukimo ira ala raoseakara pura-pura anu niparentaKu ka komiu. Bo toramo! Yaku bate-batena mosanggani-nggani ante komiu sampe ri kaupu dunia.”

Yohanes 8:20

Tesa i Yesus haitu nitesaNa ri doyata Banua nu Alatala tempo Ia nompatuduki tona napara peti pomboli doi pesomba. Ledo ria saitoa tona namala mombasaka Ia sabana dopa nakava tempoNa.

Yohanes 2:13

Naparapa Eo Mbaso Paskah ntoYahudi, haumo i Yesus ri ngata Yerusalem.

Yohanes 13:29

Naria sanu nompekiri i Yesus nombatudu i Yudas hau mangali bara nuapa-nuapa rapakera riara posusa haitu, bara mombadekei doi ka tona napakasi, apa i Yudas topomboliaka doira.

Yohanes 14:31

Naupa ivesia, pepandasa anu majadi ri karoKu ngena, kana majadi ala rasani nu manusia ri dunia Yaku nompotove TuamaKu bo novia pura-pura anu niparentaNa ka Yaku. Kaimo, malai kita.”

Yohanes 19:28

Nisani i Yesus naupu puramo bagoNa. Jadi notesamo Ia ala madupa tesa nitulisi riara Buku Gasa. NiuliNa, “Nabai tamboloKu.”