Yohanes 12:36 - Kaili Ledo

³⁶ Parasayamo Yaku kamba da naria nosanggani-nggani ante komiu nompakareme dunia ala komiu batena matuvu riara reme.” Naupu i Yesus notesa ivesia, nalaimo Ia lako nte todea bo domo nadota Ia rakitara.

Yohanes 12:36 Referans Kwoze

Efesus 5:8

Komiu mboto natuvu ri kalandana bara ipia, tapi sii-sii komiu natuvu ri karemena sabana komiu nosangu rara ante i Pue. Jadi komiu kana matuvu ante pokainggu masipato ka tona anu natuvu ri karemena.

1 Tesalonika 5:5

Komiu pura-pura natuvu ri karemena, komiu nokainggu nabelo mpo tona nolipa eona. Kita ledo natuvu ri kalandana, kita ledo mpo tona nokainggu nadaa bongina.

Yohanes 8:59

Nangepe tesa i Yesus haitu, nangala vatumo toYahudi mombarempe Ia. Tapi Ia netinggalipo lako ri tatangara bo nalai lako ri Banua nu Alatala haitu.

Lukas 16:8

Tempo tona nakalumana haitu nangepe anu nipovia ntopompasiayu ledo nanoa haitu, nitoiyanamo topompasiayu haitu sabana natau noakala mangelo katuvu mabelo. Apa tona ledo nosisani nte Alatala natau nompasiayu katuvura nte roara. Nataupa ira pade tona natuvu ri reme nTupu nompasiayu katuvura ka tempo makava.

Yohanes 11:54

Sabana haitu, i Yesus domo noliu ri ngata-ngata ntoYahudi, ala domo rakita ntona. Tapi nalai Ia lako ri bagia Yudea hau ri ngata Efraim napara karava bai. Bo naroo hamai nosanggani-nggani ante anaguruNa.

Yohanes 1:7

I Yohanes nakava nosabi nompopaisani reme haitu, ala pura-pura manusia mamala momparasaya.

1 Tesalonika 5:8

Tapi kita tona natuvu ri karemena. Jadi kita kana mompakanoto rarata. Kita kana bate-batena momparasaya Alatala bo mompotove tona ntanina ala kita maroso masimbayu mpo tantara nobaju ase. Kita kana maroo manjarumaka Alatala mompakasalama kita, ala kita maroso mpo tantara nosonggo baja.

Yohanes 3:21

Tapi isema-sema nangoseaka Alatala anu nakana, ia manggaparai reme haitu ala pokaingguna malanto rakita nangoseaka dota nu Alatala.”

Matius 21:17

Naupu haitu i Yesus nompalaisi ira, pade nesuvu Ia lako ri ngata Yerusalem hau ri ngata Betania. Bo naturumo Ia sambongi hamai.

Matius 5:14

Komiu nasimbayu eva reme nombavanta dunia. Ngata ri bavo bulu ledo namala ratabuniaka.

Yohanes 8:12

Naupu haitu nanguli vaimo i Yesus ka todea, “Yakumo hii reme dunia. Isema-sema mangoseaka Yaku ledo matuvu ri kalandana, tapi manggava reme anu mombadekei katuvua mabelo.”

Yohanes 12:37

Naupa nadeamo kabaraka nipoviaNa ri ngayora, ledo niparasayara Ia.

Yohanes 12:46

Yaku tumai ri dunia mompakareme manusia, ala isema-sema momparasaya Yaku domo monturo ri kalandana.