Yohanes 12:27 - Kaili Ledo

²⁷ Hitupa nasusa mpuumo raraKu. Nuapa Kuuli? Madota Kuperapi TuamaKu mombakabasaka peparajea anu majadi ri karoKu ngena. Tapi ledo Kuperapi ivesia, sabana patuju kakavaKu ri dunia hitu ala mombarasai peparajea haitu.”

Yohanes 12:27 Referans Kwoze

Yohanes 12:23

I Yesus notesa kamateNa ka ira. NiuliNa, “Nakavamo tempona Alatala mompopakita kaoge Ana nu Manusia, haitumo kaogeKu.

Ibrani 5:7

Tempo i Yesus da naria ri dunia Ia nosambaya ante buku rara bo nekakai nerapi tulungi nte Alatala anu nompakule mompakasalama Ia lako ri kamateNa. Bo posambayaNa niepe nu Alatala sabana Ia batena nekou nte Alatala bo ledo nangoseaka dotaNa mboto.

Yohanes 13:21

Naupu i Yesus notesa pura-pura haitu, nasusa mpuumo raraNa. Bo niuliNa, “Pariaramo tesaKu hitu, naria saito komiu mompobalu Yaku ka baliKu.”

Matius 26:42

Naupu haitu, hau vaimo i Yesus saitoNa nosambaya. NiuliNa, “Tata, ane peparajea hitu ledo mamala raala lako nte Yaku, palambamo, damo dotaMiu majadi.”

Ibrani 2:14

Kita anu niuli i Yesus ana-ana, aga manusia biasa anu mamate. Jadi haitu sampe i Yesus muni najadi manusia bo nombarasai pura-pura anu nirasaita. Ia najadi manusia ala Ia mamala mamate mompakaropu kuasa Magau nu Seta anu nombakuasai kamatea.

Lukas 22:44

Nasusa mpuu raraNa, sampe Ia nosambaya mpuu-mpuu bo iniNa eva raa natiti ri tana.]

Yohanes 18:37

Bo nekutana vaimo i Pilatus, “Ane ivesia tano, magau mpuu Iko?” Nesanamo i Yesus, “Nakana niulimiu tutu tu, Yaku hii magau. Yaku tumai nipoanaka ri dunia ante patuju mompopaisani anu nakana. Isema-sema nompotove anu nakana, rapariarana tesaKu.”

Lukas 22:53

Eo-eo Yaku naria nosanggani ante komiu ri Banua nu Alatala, tapi ledo nisakamiu Yaku. Damo bongina hitu pade nabia komiu nakava mombasaka Yaku. Hitumo logamiu, loga nu Magau Seta!”

1 Timotius 1:15

Naria tesa nanguli ivei: “I Yesus Kristus nakava ri dunia ala mompakasalama tona nadosa.” Tesa haitu nakana bo masipato ratarimata bo raparasayata mpuu. Bo yakumo nelabipa nadosa pade pura-pura tona ntanina.

Yohanes 11:41

Naupu sia, nilelakaramo vatu mbaso nipombatutui dayo haitu. Pade nitingoa i Yesusmo langi bo nosambaya, “Tata, Yaku nosukuru sabana posambayaKu hitu niepeMiumo.

Matius 11:25

Tempo haitu nosambayamo i Yesus. NiuliNa, “Tata, Komiumo Tupu nu langi bo tana. Yaku nosukuru nte Komiu sabana nipopaisaniMiu pura-pura anu pangane ka tona ledo natau. Tapi nitabuniakaMiu ka tona nangisani bo tona napande,

Matius 11:26

apa ivesiamo dotaMiu.”

Matius 26:45

Naupu nosambaya, nanjili vai Ia hau nte anaguruNa bo nanguli, “Berimba komiu? Da namonjo bo da nangosanakapa komiu? Epemo! Nakavamo gantana Yaku, Ana nu Manusia, rapobalu ka tona nadosa.