Yohanes 12:13 - Kaili Ledo

¹³ Jadi nialara tava ndate bo hau ira nombatomunaka i Yesus bo nongare-ngaremo ira, “Hosana! Ratoiyamo Alatala! Maoge belo ka Ia anu nakava niposumba nu Alatala! Iamo Magau ntoIsrael!” Mazmur 118:26

Yohanes 12:13 Referans Kwoze

Pompakita 15:3

Bo nipodadekaramo dade Nabi Musa, batua nu Alatala nggaulu. Bo nipodadekara muni dade mombabila Ana Bimba ivei: “O Pue Alatala, neliu mpuu KakuasaMiu! PoviaMiu naoge bo mpuu-mpuu nipokumaaka. Komiumo Magau nu pura-pura manusia ri dunia! Pura-pura pokaingguMiu nakana bo nanoa.

Pompakita 7:9

Naupu haitu, naria vai anu nipopakita ka yaku. Nikitaku nadea mpuu manusia, ledo rapakule ntona mombabila kadeana! Ira topomparasaya lako ri njumangu dunia, lako ri pura-pura ngata, lako ri pura-pura valaa, bo tona lako ri pura-pura basa ri dunia. Ira neangga ri ngayo Gadera Kamagaua nu Alatala bo ri ngayo Ana Bimba. Ira nopakea mputi pura bo novenggo-venggo tava, tandana nadamba rarara.

Yohanes 1:49

Nangepe tesa haitu nangulimo i Natanael, “Guru, Komiumo Ana nu Alatala! Komiu mpuu-mpuu magau ntoIsrael!”

Matius 23:39

Kuuli ka komiu, domo rakitamiu Yaku sampe makava tempona komiu manguli, ‘Maoge belo ka Ia anu nakava niposumba nu Alatala!’”

Yohanes 19:15

Jadi nongare-ngaremo ira, “Patesimo Ia! Patesimo Ia! Pakumo Ia ri kayu salib!” Nanguli i Pilatus ka ira, “Hm! Pangulimiu masipato kupaku magaumiu ri kayu salib?” Nesanamo balengga-balengga ntopanggeni agama, “Aga Magau Mbaso Kaisar magau kami!”

Pompakita 19:16

Ri bajuNa bo ri timpuNa nitulisi sangaNa ivei: MAGAU NU PURA-PURA MAGAU, TUPU NU PURA-PURA TUPU.

Yohanes 12:15

“Kadambamo komiu tupu ngata Yerusalem! Peintamo! Magaumiu makava nesavi ana nu keledai!” Zakharia 9:9

Matius 27:42

“Tona ntanina nipakasalamaNa. Tapi peinta vei! KaroNa mboto ledo namala nipakasalamaNa! Ane Ia mpuu-mpuu Magau ntoYahudi, agina Ia manau lako ri kayu salib bo kami momparasaya Ia!

Yohanes 12:14

I Yesus nanggava sangu ana keledai bo nipesaviNa. PesaviNa haitu nompakadupa tesa nitulisi riara Buku Gasa ivei: