Yohanes 11:49 - Kaili Ledo

⁴⁹ Naria saito ira nosanga i Kayafas, anu najadi Pakeni nTopanggeni Pesomba mpae haitu. NiulikaNa ira, “Ledo nisanimiu nuapa-nuapa!

Yohanes 11:49 Referans Kwoze

Yohanes 11:51

Kakanana tesa i Kayafas haitu ledo nitesana lako ri pekirina mboto, tapi ia niposumba nu Alatala sabana ia Pakeni nTopanggeni Pesomba mpae haitu. Ia nombaboto kamate i Yesus manjambei todea toYahudi.

Matius 26:3

Tempo haitu balengga-balengga ntopanggeni pesomba bo totua-totua ntoYahudi nasiromu ri banua nu Pakeni nTopanggeni Pesomba anu nosanga i Kayafas.

Suro-Suro 4:6

Ira nolibu ante Pakeni nTopanggeni Pesomba, iamo i Hanas, bo muni ante sampesuvuna i Kayafas, i Yohanes, i Aleksander, bo sampesuvu-sampesuvuna ntanina.

Lukas 3:2

I Hanas bo i Kayafas najadi Pakeni nTopanggeni Pesomba ntoYahudi. Tempo haitu muni i Yohanes, ana i Zakharia, nonturo ri karava bai. Alatala nangulika i Yohanes mompatolele tesaNa ka todea.

1 Korintus 2:6

Naupa ivesia, ane kami notesa ka topomparasaya anu naroso pomparasayana, naria muni kapande nipasimbayu kami ka ira. Tapi kapande haitu ledo nasimbayu ante kapande lako ri dunia nadaa hitu atau kapande ntopomparenta ri dunia nadaa hitu, apa kuasara nalipo-lipomo.

1 Korintus 1:20

Jadi nuapa gunana tona napande? Nuapa gunana tona natau? Nuapa gunana tona napande notesa ri dunia hitu? Alatala nompakalanto pura-pura kapande nu manusia ledo ria gunana.