Yohanes 11:16 - Kaili Ledo

¹⁶ Bo i Tomas anu nidae “Ngana Rapi” nanguli ka roa-roana anaguru i Yesus, “Anumo, kita mangoseaka Ia ala kita muni mamate mosanggani-nggani ante Ia.”

Yohanes 11:16 Referans Kwoze

Yohanes 21:2

Bara sako-ndua anaguru i Yesus nasiromu ri sia, haitumo i Simon Petrus, i Tomas anu nidae “Ngana Rapi”, i Natanael lako ri ngata Kana ri bagia Galilea, bo randua ana i Zebedeus, bo randua anaguruNa ntanina.

Yohanes 13:37

Nesana i Petrus, “Pue, nakuya sampe ledo mamala yaku mantuntuni Komiu sii-sii? Nasadiamo yaku mamate manjaliku Komiu!”

Markus 3:18

Naria muni i Andreas, i Filipus, i Bartolomeus, i Matius, i Tomas, i Yakobus ana i Alfeus, i Tadeus, i Simon lako ri partei Zelot,

Matius 26:35

Nesana i Petrus, “Nau yaku mamate mosanggani ante Komiu, ledo ntoto kusapu Komiu!” Bo ivesia muni niuli nu ana-anaguruNa pura-pura ntanina.

Suro-Suro 1:13

Nakava ri Yerusalem, hau ira ri banua ponturora bo nompene ri tombi kalangana. Sanga nu suro-suro haitu iamo: i Petrus, i Yohanes, i Yakobus, i Andreas, i Filipus, i Tomas, i Bartolomeus, i Matius, i Yakobus ana Alfeus, i Simon Zelot topangeva pomarenta, bo i Yudas ana Yakobus.

Yohanes 14:5

Nangulimo i Tomas ka Ia, “Pue, ledo nisani kami hau ri umba rakalauMiu. Jadi berimbamo rasani kami dala hau?”

Yohanes 11:8

Nesana anaguruNa, “Guru, dopa nasae toYahudi hamai madota mombarempe Komiu ante vatu sampe mamate. Nuapa sabana sii-sii Komiu madota hau vai?”

Lukas 22:33

Pade nesana i Petrus, “Pue, ledo kupalaisi Komiu! Yaku nasadia ratarunggu mosanggani-nggani nte Komiu!”

Yohanes 11:15

Nadamba raraKu Yaku ledo naria hamai tempo ia namate, sabana kamatena haitu manggeni belo ka komiu ala raparasayamiu Yaku. Anumo, haumo kita mompeinta i Lazarus.”