Yohanes 10:42 - Kaili Ledo

⁴² Bo nadea tona hamai nomparasaya i Yesus.

Yohanes 10:42 Referans Kwoze

Yohanes 4:41

Bo nantambaimo kadea ntona nomparasaya i Yesus sabana niepera mbotomo tesaNa.

Yohanes 12:42

Naupa ivesia, nadea muni pakeni ntoYahudi nomparasaya i Yesus. Tapi ira aga nomparasaya nggalino sabana naeka ira nte toFarisi, nee-nee ira domo radekei metupu ri banua petupu.

Yohanes 11:45

Nadea toYahudi nakava mompakavoe rara i Maria bo nikitara anu nipovia i Yesus. Bo nadeamo ira nomparasaya Ia.

Yohanes 8:30

Naliu i Yesus notesa ivesia, nadeamo tona nomparasaya Ia.

Yohanes 7:31

Tapi nadea lako ri todea haitu nomparasaya Ia. Niulira, “Magau Topepakasalama mpuumo Ia, apa nadea mpuu kabaraka nipoviaNa!”

Yohanes 4:39

Nadea toSamaria lako ri ngata haitu nomparasaya i Yesus sabana nieperamo tesa nu mombine pangane nanguli, “Ia notesa ka yaku pura-pura anu nipoviaku.”

Yohanes 2:23

Tempo i Yesus da naria ri ngata Yerusalem tempo Posusa Paskah, nadeamo tona nomparasaya Ia sabana nikitara kabaraka-kabaraka nipoviaNa.