Yohanes 10:41 - Kaili Ledo

⁴¹ Nadea tona hau nosinggava nte Ia. Bo simbo notesamo ira, “I Yohanes ledo ntoto novia kabaraka. Tapi ia nantesa i Yesus bo tesana haitu nakana mpuu!”

Yohanes 10:41 Referans Kwoze

Yohanes 2:11

Haitumo kabaraka pamulana nipovia i Yesus tempo Ia ri ngata Kana ri bagia Galilea. Ia nompopakita kuasaNa ante kabaraka haitu bo ana-anaguruNa nomparasaya Ia.

Yohanes 1:27

Ia haitu makava maliu yaku. Tapi Ia naogepa pade yaku sampe nau mombavole lui sapatuNa, ledo masipato yaku.”

Lukas 12:1

Nonjobu-njobu tona nasiromu ri sia mompeinta i Yesus, sampe nosimpii nosijeje-jeje kada. I Yesus nangulika anaguruNa, “Pakabelo! Komiu kana mainga nte ragi ntoFarisi. Batuana, nee sampe komiu mompasiala pokainggura aga nabelo ri lenje tapi rarara nadaa!

Lukas 5:1

Naria sanggani i Yesus neangga nompaguru ri tinggi Rano Genesaret. Nadea tona nosiaso madota mangepe tesa nu Alatala.

Markus 1:37

Niposinggavakarapa i Yesus, niuliramo ka Ia, <>

Matius 14:2

bo niulina ka pangga-pangga mbaso anu nantulungi ia, “Natantumo Ia haitu i Yohanes Topediu! Natuvu mpanjilimo lako ri kamatena! Sia sampe Ia nakuasa novia kabaraka-kabaraka!”