Yohanes 10:37 - Kaili Ledo

³⁷ Ane rapana ledo Kupovia pokarajaa niparasaya nTuamaKu ka Yaku, nee raparasayamiu Yaku.

Yohanes 10:37 Referans Kwoze

Yohanes 15:24

Ane rapana ledo nipoviaKu kabaraka-kabaraka ri ngayora anu ledo sanggani nipovia ntona ntanina, tantu ira ledo rapakasala sabana dosara. Tapi nikitaramo kabaraka-kabaraka haitu bo ira batena navuu matara nanggita Yaku bo TuamaKu muni. Jadi ira kana rapakasala sabana dosara haitu.

Yohanes 10:25

Nesana i Yesus, “NiuliKumo ka komiu, tapi ledo niparasayamiu. Kabaraka-kabaraka nipoviaKu ante kuasa lako nte TuamaKu nompopaisani ka komiu isema Yaku hii.

Yohanes 14:10

Dopa niparasayamu Yaku nasimbayu nte TuamaKu bo TuamaKu nasimbayu nte Yaku? Anu niuliKu ka komiu pura-pura, ledo tesaKu mboto tapi tesa lako nte TuamaKu anu nosangu rara nte Yaku. Iamo anu novia pura-pura pokarajaa haitu.

Yohanes 10:32

Tapi nanguli i Yesus ka ira, “Nadeamo povia nabelo lako nte TuamaKu nipopakitaKu ka komiu. Povia umbana sampe rarempemiu vatu Yaku?”

Yohanes 5:31

Ane aga Yaku saitoKu motesaki karoKu mboto bo ledo ria sabi ntanina, dopa rasanimiu ane tesaKu namala raparasayamiu atau ledo.