Yohanes 10:21 - Kaili Ledo

²¹ Tapi naria muni sanu tona nanguli, “Ledo! Ane tona nipesua nu seta, ledo ivesia tesana! Natantumo seta ledo mamala mompakabelo tona naburo!”

Yohanes 10:21 Referans Kwoze

Matius 11:5

tona naburo nekita, tona napunggu nolipamo, tona nadua oge nipakabelomo, tona nabongo neepemo, tona namate natuvu mpanjilimo, bo Kareba Belo lako nte Alatala nipatolele munimo ka tona napakasi.

Yohanes 9:6

Naupu nitesaNa ivesia, niteveulusiNamo tana bo nipinjukiNa pade nigeseNa ri mata ntoburo.

Matius 4:24

Kareba povia i Yesus haitu natolele ri umba-umba bagia Siria, sampe tona nanggeni ka Ia pura-pura roara nambela dua mpengaya, tona nipesua nu seta, torompate bo tona nakoyo. Bo i Yesus nompakabelo ira pura-pura bo nipopalaiNa puramo seta.

Yohanes 10:22

Naliu haitu, nakavamo gantana Posusa Mombatora Pobaruki Banua nu Alatala ri ngata Yerusalem. Posusa haitu nambela tempo naranindi.