Yohanes 1:9 - Kaili Ledo

⁹ Reme haitu reme nakana anu nakava ri dunia mompakareme pura-pura manusia.

Yohanes 1:9 Referans Kwoze

Yohanes 12:46

Yaku tumai ri dunia mompakareme manusia, ala isema-sema momparasaya Yaku domo monturo ri kalandana.

1 Yohanes 2:8

Naupa ivesia, parenta haitu nireke parenta nabaru, bo kabaruna mpuu-mpuu nikita ri katuvu i Kristus bo ri katuvumiu. Apa i Kristus reme nakana lako nte Alatala bo reme haitu nevanta riara kalandana sampe kalandana nompamula nalipo.

Yohanes 1:4

Iamo puna katuvua nabelo, bo katuvua nabelo nompakareme pekiri nu manusia.

Yohanes 1:7

I Yohanes nakava nosabi nompopaisani reme haitu, ala pura-pura manusia mamala momparasaya.

1 Yohanes 5:20

Nisanita muni i Yesus, Ana nu Alatala, nakava ri dunia hitu mompakanoto rarata ala kita mamala mosisani belo ante Alatala anu nakana. Kita natuvu nosangu rara nte Alatala anu nakana sabana kita natuvu nosangu rara nte AnaNa, i Yesus. Iamo Alatala anu nakana bo Iamo nombadekei katuvua nabelo sampe ri kasae-saena.

Yohanes 14:6

Nesana i Yesus, “Yakumo hii dala, Yakumo nompopaisani anu nakana bo Yakumo nombadekei katuvua nabelo. Ledo ria saitoa mamala makava ri ngayo nTuamaKu ane ledo ante Yaku.

Yohanes 6:32

Nanguli i Yesus ka ira, “Pariaramo tesaKu, ledo i Musa bara ipia anu nombadekei kandea lako ri suruga ka komiu. Tapi TuamaKu anu mombadekei kandea mpuu lako ri suruga ka komiu.

1 Yohanes 1:8

Ane raulita ledo ria dosata, kita nombabagiu karota mboto. Haitu tandana ledo ntoto nioseakata dota nu Alatala.

Yohanes 15:1

I Yesus nompapola tesaNa, “Yakumo hii valaa anggur nakana, bo TuamaKu tupu ntalua anggur haitu.

Yohanes 7:12

Ri tatanga ntodea nadeamo tona nosikalivaya nanguli i Yesus. Naria sanu nanguli, “Ia tona nabelo.” Tapi naria muni sanu nanguli, “Ledo! Ia nombabagiu todea!”

Matius 6:23

Tapi ane navurau matata, ledo nalanto nikitata nuapa-nuapa. Ivesia muni pekiri rara ntaita. Alatala nompakareme rara ntaita, jadi ane reme nidekei nu Alatala ka kita majadi malanda, malanda mpuumo kalandana haitu!

Lukas 11:36

Ane pekiri rara ntaita nareme bo ledo naria nuapa-nuapa nalanda, pura-pura katuvuta mareme mpuu mpo anu nivanta mpoindo.” *