Yohanes 1:43 - Kaili Ledo

⁴³ Eo kamailena i Yesus nonia hau ri bagia Galilea. Ia nompotomu i Filipus, bo niulikaNa, “Kaimo, oseakamo Yaku.”

Yohanes 1:43 Referans Kwoze

Yohanes 14:8

Nanguli i Filipus ka i Yesus, “Pue, popakita ka kami TuamaMiu ala maosa rara kami.”

Matius 9:9

Naupu haitu nalaimo i Yesus lako ri sia. Nolipa-lipamo Ia, nikitaNa saito topesingara balasitee nonturo riara kantoro ntopesingara balasitee. Sangana i Matius. Nanguli i Yesus ka ia, “Kaimo! Oseakamo Yaku!” Nangepe haitu neanggamo i Matius bo hau nangoseaka i Yesus.

Yohanes 12:21

Ira nakava nangulika i Filipus, “Ane mamala, kami madota mosinggava nte i Yesus.” (I Filipus haitu tona lako ri ngata Betsaida ri bagia Galilea.)

1 Yohanes 4:19

Kita nepotove sabana Alatala nokolu nompotove kita.

Yohanes 6:5

Tempo i Yesus nompeili ntiku, nikitaNa tona dea nakava nte Ia. Bo niulikaNa i Filipus, “Ri umba rakalauta mangali kandea radekei ka tona dea hitu?”

Filipi 3:12

Ledo niuliku nikavaku puramo haitu bo ledo muni niuliku naganamo pangoseakaku i Kristus. Tapi yaku nompasimbuku ala yaku mpuu-mpuu mosisani nte i Yesus Kristus bo majadi nasimbayu mpo Ia, apa haitumo patujuNa nompokio yaku mangoseaka Ia.

Yohanes 1:28

Pura-pura haitu najadi ri ngata Betania ri sambote Binangga Yordan ri ponturo i Yohanes nombadiu tona.

Lukas 19:10

Yaku, Ana nu Manusia, nakava ri dunia hitu ala mangelo bo mompakasalama tona nasalandala.”

Yohanes 6:7

Nesanamo i Filipus, “Nau roatu kadeana doi salaka raalika roti, ledo magana rapakande ka tona dea hitu. Nau aga mbo sakide rabagi ka ira, ledo magana.”

Yohanes 1:35

Eo kamailena naria vaimo i Yohanes nosanggani-nggani ante randua topangoseaka ia.

Matius 4:12

Naupu sia i Yohanes Topediu nitarunggu. Niepe i Yesuspa karebana, nanjilimo Ia hau ri bagia Galilea.

Matius 8:22

Tapi nanguli i Yesus ka ia, “Oseakamo Yaku! Palambakamo tona namate mombatana tona namate.”

Yohanes 1:29

Eo kamailena i Yohanes nanggita i Yesus nakava tumai nanggaparai ia, bo niulina ka tona hamai, “Peintamo! Tumaimo Ana Bimba nipakasadia nu Alatala anu mompakalali dosa manusia!

Yohanes 1:44

I Filipus haitu tona lako ri ngata Betsaida, haitumo ngata ponturo i Andreas bo i Petrus.

Yohanes 2:11

Haitumo kabaraka pamulana nipovia i Yesus tempo Ia ri ngata Kana ri bagia Galilea. Ia nompopakita kuasaNa ante kabaraka haitu bo ana-anaguruNa nomparasaya Ia.

Yohanes 1:37

Tempo randua topangoseaka i Yohanes haitu nangepe tesana, haumo ira nangoseaka i Yesus.