Yohanes 1:38 - Kaili Ledo

³⁸ I Yesus neili ntaliku nanggita ira nangoseaka Ia. Bo nipekutanaNa, “Nuapa nielomiu?” Nesanamo ira randua, “Rabi, ri umba ponturoMiu?” (Batuana Rabi, Guru.)

Yohanes 1:38 Referans Kwoze

Yohanes 18:7

Pade nekutana vaimo i Yesus, “Isema nielomiu?” Nesanamo ira, “I Yesus toNazaret.”

Yohanes 3:2

Ia nakava nte i Yesus tempo nabongi bo nanguli, “Guru, nisani kami Komiu tu nisuro nu Alatala mompatuduki kami. Sabana, ledo ria saitoa tona mompakule movia kabaraka mpo anu nipoviaMiu tutu ane Alatala ledo nosanggani nte ia.”

Yohanes 1:49

Nangepe tesa haitu nangulimo i Natanael, “Guru, Komiumo Ana nu Alatala! Komiu mpuu-mpuu magau ntoIsrael!”

Yohanes 18:4

Nisani i Yesus puramo anu majadi ri karoNa. Haitu sampe Ia hau nanggaparai tona dea haitu bo nekutana, “Isema nielomiu?”

Yohanes 6:25

Tempo tona dea nosintomu nte i Yesus ri sambote rano, nipekutanaramo, “Guru, ipia Komiu nakava ri sii?”

Yohanes 3:26

Pade ana-anaguruna haitu hau nte i Yohanes bo nanguli, “Guru, da nitoramiu tona nosanggani ante komiu ri sambote Binangga Yordan, anu nituduakamiu ka kami bara ipia? Hitupa Ia muni nombadiu tona, bo nadea mpuu tona hau nte Ia.”

Suro-Suro 10:29

Haitumo sabana ledo nakaja raraku nakava tumai tempo yaku niulikamiu tumai. Jadi, uli kaku, nuapa patujumiu nompokio yaku tumai?”

Yohanes 12:21

Ira nakava nangulika i Filipus, “Ane mamala, kami madota mosinggava nte i Yesus.” (I Filipus haitu tona lako ri ngata Betsaida ri bagia Galilea.)

Lukas 19:5

Tempo i Yesus nakava ri puna kayu haitu, nitingoaNamo i Zakheus, bo niulikaNa, “Zakheus, panaumo masalisa, apa eo hitu Yaku mesai ri banuamu.”

Suro-Suro 10:21

Jadi nanaumo i Petrus hau ri tambena bo nangulika tona tatalu haitu, “Yakumo hii tona nielomiu. Nuapa paraluumiu nte yaku?”

Lukas 22:61

Pade neilimo i Yesus nangganoto i Petrus. Jadi nitora i Petrusmo anu niuli i Yesus ka ia pangane ivei: “Dopame mototoroko manu ngena bobaya, talu-ngganimo iko mombasapu Yaku.”

Lukas 15:20

Naupu nompekiri ivesia, nanjilimo ia hau nte tuamana. Da nakavao ia, nikita ntuamanamo. Naasi mpuu mata ntuamana nanggita anana. Nangova ia nantomunaka anana. Nakava nte anana nikapuina anana bo niekina.

Lukas 14:25

Nadea tona hau nantuntuni i Yesus ri polipaNa. Jadi neilimo Ia bo nanguli ka ira,

Lukas 10:39

Naria saito sampesuvuna mombine, nosanga i Maria. I Maria haitu nakava nonturo napara kada i Yesus bo nompetalingai pepatudukiNa.

Lukas 8:38

Tona nikabasaka lako ri seta haitu nerapi ante mpuu-mpuu rarana ala ia muni mamala mantuntuni i Yesus. Tapi i Yesus nantudu ia,

Yohanes 1:37

Tempo randua topangoseaka i Yohanes haitu nangepe tesana, haumo ira nangoseaka i Yesus.

Yohanes 1:39

Nesana i Yesus, “Kaimo ala rasanimiu.” Tempo haitu nitasere tinti ampa nggoviana. Jadi hau mpuumo ira randua nanggita ponturo i Yesus. Bo ira nosanggani ante Ia eo haitu.

Yohanes 4:31

Puri mombine rou rangata, nanguli ana-anaguru i Yesus ka Ia, “Kaimo Guru, mangandemo kita.”