Yakobus 5:6 - Kaili Ledo

⁶ Haitu mpuu-mpuu majadi sabana komiu nombahuku bo nompatesi tona anu ledo nasala bo ledo nompakule mangeva komiu.

Yakobus 5:6 Referans Kwoze

Yakobus 4:2

Nau naoge raramiu manggava, ledo nikavamiu anu nipodotamiu, jadi komiu nepatesi. Komiu nasiriati ka mbara-mbara ntona ntanina, tapi ledo nikavamiu. Jadi komiu nosinggarau bo nosinjanai. Sampesuvu-sampesuvu, ledo nikavamiu anu nipodotamiu sabana ledo niperapimiu nte Alatala.

Suro-Suro 8:32

Hitumo tesa-tesa lako ri buku Nabi Yesaya nibacana haitu: Ia mpo bimba niumbu rakeni rasambale, mpo ana bimba ledo nombee nigau buluna. Ivesia muni ia ledo ntoto ria sambelaa notesa.

Matius 5:39

Tapi Kuuli ka komiu, nee rapesavamiu. Ane maria tona mombasapa kalimpi ngganamiu, dekei muni sabingga kalimpi njidimiu rasapana.

Ibrani 10:38

Bo todeaKu anu nanoa ri panggitaKu, iramo matuvu mabelo sabana pomparasayara. Tapi ane moura ira, domo Kupodamba.” Habakuk 2:3-4

Suro-Suro 22:14

Naupu haitu, niulikana yaku, ‘Alatala anu nipetupu ntotuata nggaulu, nompelisi iko ala musani anu nipodotaNa. NipelisiNa iko ala mukita i Yesus, Batua nu Alatala anu nangoseaka dotaNa, bo ala muepe mboto suara i Yesus.

Yakobus 2:6

Tapi nau ivesia, da nisalaimiupa ira bo tona nakalumana nibilamiu. Tano mai, tona nakalumana nantamanaka komiu bo nangumbunjai komiu hau ri ngayo ntopotangara!

Suro-Suro 7:52

Ledo ria saitoa nabi ledo nipandasa ntotuamiu nggaulu. Nipatesira muni nabi-nabi anu nompatolele kareba kakava i Yesus, Batua nu Alatala nanoa. Bo sii-sii nipobalumiu bo nipatesimiu Batua nu Alatala haitu!

Matius 27:20

Tapi balengga-balengga ntopanggeni pesomba bo totua-totua ntoYahudi nompakapane rara ntodea ala raperapira i Pilatus mombakabasaka i Barabas ka ira, bo i Yesus rahuku mate.

Matius 21:38

Tapi tempo topokarajaa talua haitu nanggita ana ntupu ntalua tumai, nosiulikamo ira, ‘Eh! Tumaimo ana ntupu ntalua anu rakaboli mbara-mbara ntotuana. Anumo! Rapatesitamo ia ala talua hitu raalata majadi bagiata.’

1 Petrus 4:18

Riara Buku Gasa nitulisi ivei: “Iyapa tona nanoa nakaja rapakasalama, Nemopa tona nadosa anu ledo natundu nte Alatala!” Amsal 11:31