Yakobus 5:5 - Kaili Ledo

⁵ Komiu nasimbayu mpo japi nipakaboya rasambale. Katuvumiu ri dunia nelabi kaganana bo doimiu aga nipakemiu nompebasa masana-sana ri dunia hitu. Tapi kaupuna komiu rahuku.

Yakobus 5:5 Referans Kwoze

1 Timotius 5:6

Tapi timbala anu natuvu aga nompesana-sana, ia mpo tomate, nau karona da natuvu.

Lukas 16:25

Tapi nesana i Abraham, ‘Toramo anaku, tempo iko ri dunia, nikavamu puramo belona, tapi i Lazarus aga nanggava anu nadaa. Sii-sii ia nipakadamba, bo iko nipandasa.

Lukas 16:19

I Yesus nompapola tesaNa ante porapa hitu: “Naria saito tona nakalumana, pakeana mpo pakea nu magau nasuli mpuu alina. Katuvuna eo-eo mpo toposusa.

Pompakita 18:7

Pakasadia ka ira pepandasa bo kasusa masipato nte pokainggura nompakalanga rara bo mompebasa-basa kasana karora mboto. Sabana, ira bate-batena notesa riara ntaira ivei: ‘Yaku hii natuvu mpo madika. Yaku ledo timbala, bo yaku ledo ntoto mombarasai kasusa bo kapari.’

Yudas 1:12

Tempo komiu nasiromu nangande nosanggani-nggani mantora posangu raramiu nte i Kristus, guru-guru mpodava gahaitu aga nepakaeya. Ledo naeya matara nompebasa nangande bo aga nompekirika karora mboto. Ira ledo ntoto ria gunana, nasimbayu mpo kulimu vuri anu ledo najadi uda, aga niburusi mpoiri. Bo ira nasimbayu mpo kayu ledo novua ri tempo mpovuana, mpo kayu nitovo bo nipekalesi sampe namate mpuu.

2 Petrus 2:13

Ira rabalasi ante kasusa sabana nipakasusara tona ntanina. Nau eona, nadamba guru-guru mpodava novia mpengaya-ngaya nompakaosa dotara nadaa. Ira nangande nosanggani nte komiu mpo tona nabelo, tano pokainggura mpuu-mpuu nepakaeya! Ira aga nadamba nompebasa nangoseaka dota rarara nadaa.

2 Timotius 3:4

Ira aga mombaakalani roa, ledo ria rekera, bo pangulira iramo tona nataupa. Ledo rapotovera Alatala, aga kasana karora mboto rapotovera.

Roma 13:13

Kita kana matuvu ante pokainggu masipato ka tona natuvu riara karemena. Nee masiromu mangande mompebasa bo manginu sampe malangu. Nee mosipogau ante tona ledo bereimiu mboto bo nee mangoseaka dota raramiu nadaa. Nee mosinggarau atau masiriati.