Yakobus 5:10 - Kaili Ledo

¹⁰ Sampesuvu-sampesuvu, oseakamo jonjo nabi-nabi nggaulu anu nompasimbayu tesa nu Alatala. Ira batena nosabara bo naroo rarara tempo nombarasai kasusa bo kapari.

Yakobus 5:10 Referans Kwoze

Ibrani 13:7

Pekirikamo katuvu pakeni-pakeni anu nanggeni Tesa nu Alatala ka komiu bara ipia. Pariarantaimo jonjo katuvura bo kamatera, bo pasialamo pomparasayara.

Suro-Suro 7:52

Ledo ria saitoa nabi ledo nipandasa ntotuamiu nggaulu. Nipatesira muni nabi-nabi anu nompatolele kareba kakava i Yesus, Batua nu Alatala nanoa. Bo sii-sii nipobalumiu bo nipatesimiu Batua nu Alatala haitu!

Suro-Suro 3:21

I Yesus kana monturo ri suruga sampe makava tempona Alatala mompakabaru pura-pura, evamo nitesaNa ka nabi-nabi nipelisiNa nggaulu.

Lukas 6:23

Apa ivesia muni nipovia ntotuara nggaulu ka nabi-nabi nu Alatala. Jadi ane rapoviara ivehaitu muni komiu, kana madamba mpuu raramiu, sabana naoge belo ri suruga nipakasadia nu Alatala ka komiu.

Lukas 13:34

He, komiu toYerusalem! Komiu nompatesi nabi-nabi, bo tona nisuro nu Alatala nirempemiu vatu sampe namate! Nadea ngganimo Yaku madota mombasaliku komiu pura-pura, nasimbayu mpo manu tina nombarumutasi anana, tapi ledo nadota komiu.

Yakobus 4:11

Sampesuvu-sampesuvu, nee mosisalai. Isema-sema nanjalai bo nompakasala roana sampomparasaya, ia nanjalai bo nompakasala atura nu Alatala. Ane komiu mompakasala atura nu Alatala, natantumo komiu ledo topangoseaka atura, tapi topotangara atura haitu.

Yakobus 5:7

Sampesuvu-sampesuvuku, komiu kana mosabara sampe makava Tupu. Peintamo posabara ntopotuda, ira nompopea sampe naria vuana nisarumakara. Ira nosabara nompopea uda anu mompakatuvu tuda-tudara.

Yakobus 5:9

Nee mongalu bo mosipakasala, ala komiu ledo rahuku nu Alatala. Toramo! Domo masae makavamo Ia mombatangara manusia.

Yakobus 5:13

Ane maria komiu nambela kasusa, ia kana mosambaya. Ane maria tona nadamba, ia kana modade mantoiya Tupu.