Yakobus 2:7 - Kaili Ledo

⁷ Tona nakalumanamo nanjalai sanga anu nipakaogeta, haitumo sanga nTuputa!

Yakobus 2:7 Referans Kwoze

1 Timotius 1:13

Bara ipia yaku nanjalai i Yesus, yaku nompandasa bo nompakadaa topangoseaka Ia. Tapi naupa ivesia, nipoasiNa yaku, sabana tempo haitu dopa niparasayaku Ia, dopa nisaniku poviaku haitu nadaa.

Suro-Suro 11:26

Nosinggavapa ia ante i Saulus, haumo ira randua ri ngata Antiokhia. I Barnabas bo i Saulus nonturo sumai sampae kasaena. Ira nasaro nasiromu nosanggani-nggani nte todea topomparasaya bo nadea mpuu tona nipatudukira. Ri ngata Antiokhia haitumo topangoseaka i Yesus pamula-mulana niuli toKristen.

Pompakita 19:16

Ri bajuNa bo ri timpuNa nitulisi sangaNa ivei: MAGAU NU PURA-PURA MAGAU, TUPU NU PURA-PURA TUPU.

Pompakita 19:13

Baju ndoe nipasuaNa nilome ri raa. Bo Ia nidae “Tesa nu Alatala.”

Efesus 3:15

Iamo Tuama nu pura-pura anu naria, nau kita ri dunia, nau isi suruga.

Suro-Suro 26:11

Nadea ngganimo yaku nompandasa ira riara banua petupu. Nipasimbukuku nobarusu ira ala domo raoseakara i Yesus. Nagigi mpuu raraku nompekirika ira sampe yaku hau nangelo ira ri ngata-ngata nakavao.”

Suro-Suro 4:12

I Petrus nompapola tesana, “Aga i Yesus namala mompakasalama manusia, sabana ri njumangu dunia ledo ria saitoa tona ntanina nipakakuasa nu Alatala mompakasalama manusia, aga i Yesus saitoNa.”

Matius 12:24

Tapi tempo toFarisi nangepe tesa ntodea haitu, nesana ira, “Bai! Kuasa ntona haitu lako nte i Beelzebul, Magau nu Seta. Haitu sampe Ia nakuasa nompopalai seta-seta.”

Matius 1:23

“Saito randaa matiana bo mompoanaka saito ngana langgai. Bo ngana haitu rapoposanga i Imanuel.” Yesaya 7:14 (Imanuel riara basa Ibrani batuana: “Alatala mosanggani ante kita.”)

Matius 27:63

Nakava hamai, nanguli ira, “Pua, nitora kami tesa ntopebagiu haitu tempo Ia da natuvu. NiuliNa, ‘Maliu talu-mbongi Yaku matuvu mpanjili.’

1 Petrus 4:16

Tapi ane komiu mombarasai kasusa sabana komiu topomparasaya, nee maeya matamiu. Ulimo tarima kasi ka Alatala, apa komiu mpuu-mpuu topangoseaka i Kristus.