Yakobus 2:6 - Kaili Ledo

⁶ Tapi nau ivesia, da nisalaimiupa ira bo tona nakalumana nibilamiu. Tano mai, tona nakalumana nantamanaka komiu bo nangumbunjai komiu hau ri ngayo ntopotangara!

Yakobus 2:6 Referans Kwoze

1 Korintus 11:22

Nakuya ivesia? Ledo ria banuamiu mboto rapangandemiu bo rapanginumiu? Nakuya komiu nompandaente kasiromu ntodea topomparasaya Alatala? Nakuya komiu nompakaeya tona ledo nompakule manggeni kandea ri kasiromu haitu? Nuapa masipato kuuli ka komiu? Masipato kutoiya pokainggumiu haitu? Natantu ledo! Ledo ntoto masipato kutoiya pokainggumiu tutu!

Yakobus 5:4

Topokarajaa ri taluamiu ledo nitambomiu. Peintamo kandasara! Topokarajaa haitu nekakai nerapi tulungi bo pekakaira niepe nTupu Alatala anu nakuasa.

Yakobus 2:3

Rapana komiu aga mombabila tona naramba bajuna bo manguli ka ia, “Kamaimo, Tua. Monturo ri ponturo nabelo hitu.” Tapi tona napakasi aga raulikamiu, “Peangga situmo iko, bara ponturomo ri jaula ri sii.”

Suro-Suro 17:6

Tapi ledo nikavara i Paulus bo i Silas ri sia. Jadi niumbunjairamo i Yason bo bara sako-ndua topomparasaya ntanina ri sia hau ri ngayo ntopoparenta-topoparenta ngata bo nongare, “I Paulus bo i Silas haitu nompakagado tona ri umba-umba dunia! Sii-sii ira nakava nompakagado ngatata hitu muni!

Suro-Suro 13:50

Tapi tomaoge-tomaoge bo mombine-mombine anu naria nturona bo natundu nte Alatala, nipakapane ntoYahudi sampe i Paulus bo i Barnabas nipandasa bo nipopalai lako ri ngata haitu.

Suro-Suro 8:3

I Saulus nompasimbuku njuu mompandasa topangoseaka i Yesus ala domo raparasayara i Yesus. Nipebutuna banuara nipesuana bo isema-sema nomparasaya i Yesus, langgai bo mombine, niumbunjaina ri savalikuna bo nisuarakana riara ntarunggu.

Yakobus 5:6

Haitu mpuu-mpuu majadi sabana komiu nombahuku bo nompatesi tona anu ledo nasala bo ledo nompakule mangeva komiu.

Suro-Suro 18:12

Tempo i Galio najadi gubernur ri propinsi Akhaya, toYahudi ri ngata Korintus nasintuvu nangeva i Paulus. Ia nisakara bo nikenira ratangara ri ngayo Gubernur Galio

Yohanes 8:49

Nesana i Yesus, “Yaku ledo nipesua nu seta. Yaku nombabila TuamaKu, tapi aga nisalaimiu Yaku.