Yakobus 2:5 - Kaili Ledo

⁵ Sampesuvu-sampesuvu nipotoveku, epemo pakabelo-belo! Tona napakasi ri dunia hitu nipelisi nu Alatala. Nau ledo nadea kakalumanara ri dunia hitu, ira nipelisi nu Alatala majadi tona naoge pomparasayara. Iramo majadi todea riara Poparenta nu Alatala nangoseaka anu nijanjiNa ka tona nompotove Ia.

Yakobus 2:5 Referans Kwoze

Matius 5:3

“Nabelo mpuumo tona nisanina ledo rapakulena mompakasalama karona mboto bo aga nanjarumaka Tupu, sabana iamo najadi todea riara Poparenta nu Alatala.

Lukas 6:20

I Yesus nangganoto ana-anaguruNa bo niulikaNa, “Nabelo mpuu komiu tona napakasi, sabana komiumo majadi todea riara Poparenta nu Alatala.

Pompakita 2:9

NisaniKu kasusa bo kapari nirasaimiu. NisaniKu komiu mpuu-mpuu napepa, tapi kakanana komiu nakalumana riara pomparasayamiu. NisaniKu komiu nisalai ntona anu nompangaku karona toYahudi tano ledo nakana. Ira aga todea nu Magau nu Seta.

2 Korintus 8:9

Ledo paraluu kuparenta komiu apa nisanimiu mboto kambaso pepotove nTuputa i Yesus Kristus ka kita. Naupa Ia mpuu-mpuu nakalumana, nikabasakaNa pura-pura kakalumanaNa haitu ala mantulungi kita. Ia najadi manusia napakasi ala kita mamala majadi nakalumana ri panggita nTupu.

Lukas 12:21

Kaupu tesa haitu i Yesus nanguli, “Ivesiamo majadi nte tona nompasimbuku nompasiromu kakalumana ka karona mboto, tapi katuvuna napakasi ri panggita nu Alatala.”

1 Petrus 1:4

Kita nanjarumaka manggava belo nipakasadia nu Alatala ka pura-pura todeaNa. Belo haitu ledo magero, ledo mapopo, ledo mabali, bo nijagaiNa ri suruga ka kita.

Yakobus 1:12

Nabelo mpuu tona naroso rarana riara kasusa bo pesori! Ane maroso rarana sampe ri kaupu pesori haitu, Alatala mombadekei katuvu nabelo ka ia sampe ri kasae-saena. Katuvu nabelo haitu nijanji nu Alatala ka tona nompotove Ia.

Ibrani 11:26

Niparasayana Magau Topepakasalama anu nijanji nu Alatala makava bara maipia. Nipekirina nabelopa ia rasalai sabana pomparasayana pade manggava pura-pura kakalumana ri Mesir. Nipekirina ivesia sabana ia bate-batena nanjarumaka belo radekei nu Alatala ka ia bara maipia.

Lukas 12:32

I Yesus nompapola tesaNa ivei: “Nau ledo nadea komiu anaguruKu, nee maeka, sabana komiu nipelisi nTuamamiu Alatala, lako ri kabelo raraNa ala komiu moparenta mosanggani-nggani nte Ia riara poparentaNa.

1 Korintus 2:9

Nau ledo nisani ntopoparenta ri dunia, Alatala nompopaisanina ka kita, evamo nitulisi riara Buku Gasa, “Dopa nikita nu manusia, dopa niepe ntalingara, bo dopa muni nesua ri pekirira pura-pura belo nipakasadia nu Alatala ka tona nompotove Ia.” Yesaya 64:4

Matius 25:34

Bo Kuuli ka ira ri sabingga ngganaKu ivei: ‘Kamaimo komiu nipobelo nTuamaKu. Pesuamo riara KamagauaKu, naria ponturo ri sii nipakasadia ka komiu lako ri lamba pamulana.

Pompakita 21:7

Isema-sema padagi, rakavana pura-pura anu niuliKu pangane. Bo Yakumo majadi Alatalara bo ira majadi anaKu.

Yakobus 1:9

Sampesuvu-sampesuvu sampomparasaya, ane komiu mapepa, kana madamba raramiu, sabana nau napakasi katuvumiu, Alatala nompakaoge komiu.

2 Timotius 4:8

Jadi hitupa nasadiamo hadia padagi ka yaku sabana katuvuku nompakadamba rara nu Alatala. I Pue Yesus Topotangara nanoa, bo ri Eo Potangara ngena radekeiNa hadia haitu ka yaku, bo ledo aga ka yaku tapi ka pura-pura tona nompotove Ia bo nompopea kakavaNa.

2 Korintus 6:10

Nau kami nasaro nipakasusa, tapi kami batena nadamba. Kami napakasi, tapi kamimo anu nanggeni belo ka tona nadea. Nikita eva ledo ria nuapa-nuapa nte kami, tapi kakanana mpengaya-ngaya naria nte kami.

Pompakita 3:18

Haitu sampe Kutevai ka komiu ivei: Alimo bulava nipakagasa riara apu lako nte Yaku ala komiu mpuu-mpuu makalumana ri panggitaKu. Bo ali munimo pakea mputi lako nte Yaku, ala komiu mamala mopakea bo ledo maeya matamiu rakita ntona komiu novuloa. Bo ali munimo pakuli ragese ri matamiu ala komiu mamala mekita mpanjili.

1 Timotius 6:18

Popatoramo tona nakalumana, mokainggu mabelo ala pokainggura nabelo haitu majadi kakalumanara. Ira kana majoi rara bo masadia mombatulungi tona ntanina.

Lukas 16:25

Tapi nesana i Abraham, ‘Toramo anaku, tempo iko ri dunia, nikavamu puramo belona, tapi i Lazarus aga nanggava anu nadaa. Sii-sii ia nipakadamba, bo iko nipandasa.

Matius 11:5

tona naburo nekita, tona napunggu nolipamo, tona nadua oge nipakabelomo, tona nabongo neepemo, tona namate natuvu mpanjilimo, bo Kareba Belo lako nte Alatala nipatolele munimo ka tona napakasi.

2 Petrus 1:11

bo Alatala mboto mantarima komiu ante mabelo riara Poparenta anu naroo sampe ri kasae-saena, haitumo Poparenta nTuputa Yesus Kristus, Topompakasalama kita.

2 Timotius 4:18

Bo niparasayaku i Pue bate-batena mombakabasaka yaku lako ri pura-pura anu nadaa bo manggeni yaku ante masalama mesua ri PoparentaNa ri suruga. Ia masipato rabila bo ratoiya sampe ri kasae-saena! Amin.

2 Tesalonika 1:5

Jadi, lako ri karoo nu pomparasayamiu haitu, nisanita Alatala mpuu-mpuu nanoa nombatangara manusia. Komiu nombatidamaka riara kasusa bo kapari anu nambela komiu sabana pangoseakamiu Alatala, bo ivesiamo Alatala nompopakita komiu mpuu-mpuu masipato majadi todea ri PoparentaNa.

Efesus 3:8

Yaku natueipa pade pura-pura todea nu Alatala ntanina. Tapi naupa ivesia, Alatala nabelo mpuu nte yaku bo nidekeiNa ka yaku pokarajaa mompatolele Kareba Belo ka komiu tona ledo toYahudi. Kareba haitu notesaki kabelo i Kristus anu naoge mpuu, ledo rapakuleta mombarekena.

Roma 8:17

Bo ane kita mpuu-mpuu ana-ana nu Alatala, natantumo kita mantarima belo nipakasadia nu Alatala ka ana-anaNa. Kita muni mantarima pura-pura anu nipakasadia nu Alatala ka i Kristus, sabana ane kita nombarasai kasusa bo kapari mpo anu nirasaiNa, kita muni rapakaoge nasimbayu mpo Ia.

Lukas 16:22

Nakavamo tempona tona napakasi haitu namate bo ia nikeni nu malaeka hau ri ponturo nabelo ri sinjori Nabi Abraham. Tona nakalumana namate munimo bo nitana. Ia nikeni hau ri ponturo ntomate.

Yakobus 1:16

Sampesuvu-sampesuvu nipotoveku, nee rabagiu! Alatala ledo nompesori kita movia anu nadaa.

Efesus 1:18

Kuperapi ala Ia mompakareme pekirimiu ala mpuu-mpuu rasanimiu kabelo anu nisarumakata lako nte Alatala anu nompokio kita majadi todeaNa. Kuperapi ala rasanimiu kabelo bo kaoge nu belo nipakasadia nu Alatala radekei ka todeaNa bara maipia.

2 Korintus 4:15

Pura-pura kasusa nirasai kami haitu, nanggeni belo ka komiu. Apa ane mantambai kadea ntona mombarasai pepotove nu Alatala, mantambai kadea ntona mosukuru nte Ia, sampe Ia mpuu-mpuu ratoiya bo rabila.

Yohanes 7:48

Peintamo! Ledo ntoto ria pakeni agama atau toFarisi nomparasaya Ia!

Lukas 22:29

Jadi, Kudekei kuasa ka komiu moparenta, masimbayu mpo TuamaKu Alatala nombadekei kuasa ka Yaku momparenta todeaNa.

Markus 7:14

Naupu sia, i Yesus nombaronde todea vai bo niulikaNa, <

Suro-Suro 7:2

Nesana i Stefanus, “Totua-totua bo sampesuvu-sampesuvu. Epemo tesaku hitu. Dopame i Abraham totuata nggaulu nolinja hau ri ngata Haran, tempo ia da nonturo ri tana Mesopotamia, Alatala toNeliu KaogeNa nakava nte ia.

Yakobus 1:19

Sampesuvu-sampesuvu nipotoveku, pariaramo pakabelo-belo tesaku hitu. Kita kana masadia mangepe, tapi nee kaliu-liu motesa, bo nee masalisa marau.